स्वीडेन । स्वीडेनमा कोरोना महामारीका कारण पुरुषहरु अस्पताल आउने क्रम कम भएसँगै शुक्रकीट अभाव भएको छ ।
महामारीको जोखिमका कारण गर्भाधानमा सघाउ पुर्‍याउने सम्भावित पुरुषहरुको अस्पताल आउने संख्या कम भएका कारण शुक्रकीट अभाव भएको न्युज स्काइले जनाएको छ ।

देशभरका विभिन्‍न स्थानमा रहेका स्वास्थ्य सेवा केन्द्रहरुमा आएर पुरुषहरुलाई वीर्य दान गर्न पनि आग्रह गरिएको छ । अब सन्तान जन्माउन चाहने महिलाले शुक्रकीटका लागि करिब ३० महिना पर्खिनुपर्ने भएको छ ।

गोथेनबर्ग विश्‍वविद्यालय अस्पतालको प्रजनन्‌ युनिटका प्रमुख एन थुरिन जेलबर्गले भनिन्, “अहिले शुक्रकीटको समस्या देखिएको छ । गत वर्ष अहिलेसम्मकै कम डोनरहरु आएका थिए ।”

स्वीडेनमा कोरोना संक्रमितको संख्या १३ हजार ७२० रहेको छ । यो विश्‍वभरका विभिन्‍न मुलुकहरुको तुलनामा निकै कम संख्या हो ।