काठमाडौं । प्रधानमन्त्री केपी शर्मा ओलीले बोलाएको सर्वदलीय बैठक बालुवाटारमा जारी छ । प्रधानमन्त्री ओलीले असंवैधानिक कदम चालेर मुलुकलाई संकटमा पुर्‍याउने प्रतिगमनकारी गतिविधि गरेको भन्दै पूर्वप्रधानमन्त्रीहरुले सर्वदलीय बैठक बहिष्कार गरेका छन् ।

ओलीले बोलाएको सर्वदलीय बैठक पूर्वप्रधानमन्त्रीहरु पुष्पकमल दाहाल प्रचण्ड, माधवकुमार नेपाल, झलनाथ खनाल, बाबुराम भट्टराई, पूर्वउपप्रधानमन्त्री उपेन्द्र यादवले बहिष्कार गरेका छन् ।

बैठकमा कांग्रेस सभापति शेरबहादुर देउवा, जसपाबाट महन्थ ठाकुर र लक्ष्मणलाल कर्ण, राप्रपाबाट प्रकाशचन्द्र लोहनीका साथै जनमोर्चाको प्रतिनिधि पनि रहेको बताइएको छ ।

संसद्को हिउँदे अधिवेशन, कोभिड–१९ महामारी रोकथाम तथा नियन्त्रणका विषयमा सुझाव लिने प्रयोजनका लागि प्रधानमन्त्री ओलीले सर्वदलीय बैठक राखेका हुन् ।

बैठकमा प्रधानमन्त्री ओलीसँगै उनको समूहका नेता ईश्वर पोखरेल, विष्णु पौडेल, सुवास नेम्वाङलगायत छन्।

प्रचण्डले बैठक बालुवाटारमा राखिएको भन्दै बहिष्कार गरेको हुन् । नेता नेपाल र खनाललाई भने खबर नै नगरिएको बताइएको छ ।