काठमाडौं । प्रमुख प्रतिपक्षी नेपाली कांग्रेसको आज (आइतबार) केन्द्रीय कार्यसमिति बैठक बस्दैछ । नयाँ सत्ता समीकरणको कसरत भइरहेको बेला कांग्रेसको केन्द्रीय कार्यसमिति बैठक बस्न लागेको हो ।

पार्टी केन्द्रीय कार्यालयका मुख्य सचिव कृष्णप्रसाद पौडेलले बैठक दिउँसो २ बजे सानेपामा बस्ने जानकारी दिएका छन् । उनले बैठकमा आगामी भदौमा हुन गइरहेको पार्टीको १४ औं महाधिवेशनको तयारीका बारेमा छलफल हुने जानकारी दिए ।

यसअघि चैत ३० गते बस्ने तय भएको केन्द्रीय कार्यसमितिको बैठक वरिष्ठ नेता रामचन्द्र पौडेलको भाइको निधनका कारण स्थगित गरिएको थियो ।