अस्ट्रेलियाद्वारा ‘बेल्ट एन्ड रोड’ परियोजना रद्द, चीनले दियो धम्की

नयाँ दिल्ली । अस्ट्रेलियाले चीनको महत्वाकांक्षी परियोजना ‘बेल्ट एन्ड रोड’ सँग सम्बन्धित दुई वटा सम्झौता रद्द गरेको छ । अस्ट्रेलियाकी विदेशमन्त्री मेराइस पेनले चीनसँग गरिएका चार वटा सम्झौताहरु रद्द गर्ने घोषणा गरेकी थिइने ।

उक्त घोषणामा ‘बेल्ट एन्ड रोड’ परियोजनाका दुई सम्झौताहरु परेका छन् । खारेजमा परेका दुबै सम्झौताहरु अस्ट्रेलियाले नगरेर उसको भिक्टोरिया प्रान्तले २०१८ र २०१९ मा चीनसँग गरेको थियो ।

अस्ट्रेलियाको संघीय सरकारलाई डिसेम्बरमा कुनै प्रान्त वा विश्वविद्यालयद्वारा लिइएका निर्णयहरु रद्द गर्न सक्ने ‘भिटो पावर’ (विशेषाधिकार) दिइएको थियो । विदेश मन्त्री पेनले बयान जारी गर्दै सम्झौता रद्द गरिनुको कारण विदेश नीति भएको बताएकी छन् ।

उता चीनले अष्टे«लिया सरकारको उक्त फैसलाप्रति आपत्ति जनाएको छ । अस्ट्रेलियामा अवस्थित चिनियाँ दूतावासले फैसलालाई ‘चीनविरद्ध अस्ट्रेलियाली पक्षले उठाएको एक अर्को अनुचित र उत्तेजक कदम’ भनेको छ ।

चिनियाँ दूतावासले बयानमा भनेको छ, “चीन–अस्ट्रेलिया सम्बन्ध सुमधुर बनाउनमा अस्ट्रेलियाली सरकार कुनै इमान्दारी नदेखइरहेको देखिएको छ ।” चिनियाँ दूतावासले अस्ट्रेलियाको नयाँ कदम द्विपक्षीय सम्बन्धहरुलाई नोक्सान पु¥याउने र यसले केवल स्वयम्लाई नोक्सान पु¥याएर समाप्त हुनेछ ।”

२०१८ मा चिनियाँ टेक कम्पनी ख्वावेमाथि फाइभ जी नेटवर्कका लागि प्रतिबन्ध लगाएपछि दुबै देश बीचको चिसिएको सम्बन्ध अहिले तनावपूर्ण छ । ‘बेल्ट एन्ड रोड इनिसिएटिभ अर्थात ‘वन बेल्ट, वन रोड’ (ओबीओआर) चीनको महत्वाकांक्षी परियोजना हो । चीनले ओबीओआरलाई ऐतिहासिक ‘सिल्क रूट’ को आधुनिक अवतार भनेको छ ।