Lifestyle Portal
  •   ५ जेष्ठ २०७९, बिहीबार

‘आफूलाई सर्वज्ञानी ठान्ने ओलीको दम्भ धरहराभन्दा माथि चढिसक्यो’

१० बैशाख २०७८, शुक्रबार १३:११

धनुषा । नेकपा (एमाले) का वरिष्ठ नेता माधवकुमार नेपालले पार्टीमा एकताको सम्भावना क्षीण हुँदै गएको बताएका छन् ।

नेकपा एमालेको धनुषा जिल्ला कार्य समितिद्वारा आज जनकपुरधाममा आयोजित पत्रकार सम्मेलनमा उनले पार्टी अध्यक्ष केपी शर्मा ओली दम्भको वायुपङ्खी घोडामा चढेको कारण एकता क्षीण हुँदै गएको बताएका हुन् ।

पार्टी गम्भीर सङ्कटको चरणबाट गुर्जी रहेको छ भन्दै उनले सङ्कटको सिर्जनकार पार्टी अध्यक्ष ओली नै भएको आरोप लगाए ।

त्यसक्रममा नेता नेपालले बुधबार र विहीबार ओलीसँग भएको भेटवार्ताबारे मुख खोले ।पार्टीभित्र देखिएको विवाद समाधान गर्न आफूले आग्रह गरे पनि पार्टी अध्यक्षले पार्टी एकता सुन्नै नचाहेकाले पार्टी, लोकतन्त्र, संविधान, सङ्घीयता, विधि र प्रक्रिया धरापमा परेको बताए ।

वरिष्ठ नेता नेपालले पार्टी अध्यक्षले आफूलाई कारवाही गरेकोबारे विचार गर्न सकिने छ भनी जाली कुरा मात्र गरेको भन्दै २७ जना प्रतिनिधिसभा सदस्यसँग माग गरिएको स्पष्टीकरण औचित्यहीन रहेको पनि बताए ।

प्रावधानअनुसार पार्टी अध्यक्षलाई २७ सांसद्को पद खोस्ने कुनै आधार नरहेको स्पष्ट गर्दे उनले थपे ‘हामीहरूको मूल घर नेकपा (एमाले) नै हो ।’
पार्टी अध्यक्ष ओलीको दम्भ धरहराभन्दा माथि चढिसकेको पनि नेता नेपालले बताए ।

ओलीले आफूलाई सर्वज्ञानी ठान्ने गरेका कारण सबैतिर त्राहिमामको अवस्था उत्पन्न भई पाटीको गतिविधि कागजमा सीमित हुन पुगेको प्रसङ्ग पनि नेपालले उल्लेख गरेका थिए । 

प्रतिक्रिया दिनुहोस !
सम्बन्धित खबरहरु

आउनुहोस् यस आलेखमा अमेरिकामा भवन निर्माण उद्योगको प्रकृति कस्तो किसिमको छ त्यसबारे चर्चा गरौं। भवन निर्माण उद्योगको प्रकृति कस्तो किसिमको

मैले २०४७ सालपछि भोट नै हालेकी छैन । किनभने हाम्रो नेपालमा बहुदल भित्रिएपछि मुलुकमा थप व्यक्तिवाद मात्रै मौलाएको देखेपछि मलाई

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा

काठमाडौं: भारतीय प्रधानमन्त्री नरेंद्र मोदी (Indian PM Modi) बैशाख पुर्णिमाका दिन भगवान गौतम बुद्धको जन्मभूमी लुम्बिनीको संक्षिप्त यात्राका लागि नेपाल