Lifestyle Portal
  •   १४ जेष्ठ २०७९, शनिबार

सीसीएमसीको सिफारिसः सीमामा प्रतिबन्ध, परीक्षा स्थगित, सक्रिय संक्रमितको आधारमा निशेधाज्ञा

१३ बैशाख २०७८, सोमबार ००:१६

काठमाडौं। कोरोना संक्रमण तिब्ररुपमा बढेपछि कोभिड संकट व्यवस्थापन केन्द्र (सीसीएमसी)को आइतबार बसेको बैठकले महत्वपूर्ण सिफारिसहरु गरेको छ।

सीसीएमसीको बैठक बस्नुअघि प्रधानमन्त्री केपी शर्मा ओलीले संक्रमण बढेको भन्दै आवश्यक निर्णयका लागि सिफारिस गर्न सीसीएमसीलाई निर्देशन दिएका थिए। प्रधानमन्त्रीको निर्देशनपछि बसेको सीसीएमसी बैठकले भारत हुँदै नेपाल आउने विदेशी नागरिकलाई नेपाल प्रवेशमा रोक लगाउन सिफारिस गरेको छ।

यस्तै हाल जारी रहेका सबै परीक्षा शुरु हुन लागेका सबै परीक्षा तत्काल स्थगित गर्न सिफारिस गरेको छ। हाल स्नातक तहको परीक्षा चलिरहेको छ भने विद्यालय तहमा पनि परीक्षाको तयारी चलिरहेको छ। यस्तो बेला भएको सीसीएमसीको यो निर्णयले अब परीक्षा स्थगित हुने भएका हुन्। तर, मन्त्रिपरिषदले सीसीएमसीको सिफारिसबारे निर्णय गरेमात्र लागु हुनेछ।

यस्तै सीसीएमसीले सक्रिय संक्रमितको संख्याका आधारमा निषेधाज्ञा लागु गर्न जिल्ला प्रशासन कार्यालयलाई अधिकार प्रत्यायोजन गर्न सिफारिस गरेको छ।

सीसीएमसीले पहाडी क्षेत्रमा २ सय र सहरी क्षेत्रमा ५ सय सक्रिय संक्रमित भए स्थानीय प्रशासनले निशेधाज्ञा लागु गर्न सक्ने अधिकार प्रत्योजन गर्न मन्त्रिपरिषदलाई सिफारिस गरेको हो।

नेपालमा पछिल्लो एक हप्तामा १० हजार नयाँ संक्रमणका केस पुष्टि भएका छन्। आइतबारमात्र ३ हजारभन्दा धेरै संक्रमित भएका छन्।

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोगमा मुस्ताङ जिल्लाको लोमाङथाङ गाँउपालिका–३ छोनहुपस्थित श्री पाल एवं नाम्ग्याल गुम्बा विद्यालयको स्तरोन्नतरी भएको भवनको उद्घाटन भएको

भारत सरकारको अनुदान सहयोगमा कास्की जिल्लाको पोखरा महानगरपालिका–१३ ढाँडबेसीमा अवस्थित श्री आर्वा विजय माध्यमिक विद्यालयका लागि निर्मित विद्यालय भवनको उद्घाटन

काठमाडौं । लुम्बिनी, भैरहवास्थित ‘गौतमबुद्ध अन्तर्राष्ट्रिय विमानस्थल’मा अवतरण गरेको ‘जजिरा एयरलाइन्स – Jazira Airlines’को विमानमा चरा ठोक्किएको छ । हिजो

तपाईंको भान्सा झन महंगो हुने भएको छ भने सवारी इन्धनमा समेत महंगीको अर्को थप मूल्य बढेर आएको छ । नेपाल