कोरोना पुष्टि हुनेमा सबैभन्दा बढी २० देखि २९ वर्ष उमेरका
१३ बैशाख २०७८, सोमबार १९:२७
काठमाडौं । २४ घण्टामा सबैभन्दा धेरै २० देखि २९ वर्ष उमेर समूहकालाई कोरोना संक्रमण पुष्टि भएको छ । ८८३ जना २० देखि २९ वर्षका संक्रमित भएका स्वास्थ्य मन्त्रालयले जनाएको छ ।
९ वर्षसम्मका ६३ बालबालिका पनि आजै संक्रमित भएका छन् । ८५० जना ३० देखि ३९ वर्ष उमेर समूहका रहेका छन् ।
२७३ जना १० देखि १९ वर्षका, ६०७ जना ४० देखि ४९ वर्षका, भने ५० देखि ५९ वर्षका ४५० जना रहेका मन्त्रालयले जनाएको छ । ६० देखि ६९ का २१६ जना छन् ।
पछिल्लो २४ घण्टामा देशभर ३५ सय ५६ जना कोरोना भाइरसका नयाँ सङक्रमित थपिएका छन् । त्यस्तै, १२ जनाको कोरोना संक्रमणकै कारण मृत्यु भएको छ । त्यस्तै, आज ३ सय ७८ जनाले कोरोनालाई जितेको स्वास्थ्य मन्त्रालयले जनाएको छ।
हाल देशभर ६५ जना क्वारेन्टाइनमा रहेको र देशभर २२ हजार ४ सय ३४ जना संक्रिय संक्रमित रहेको मन्त्रालयले जनाएको छ।
