Lifestyle Portal
  •   ३ कार्तिक २०७८, बुधबार

नेपालमा भयावह बन्दै कोरोना, मृत्यु हुनेको संख्या हरेक दिन दोब्बर

१४ बैशाख २०७८, मंगलवार ००:२०

काठमाडौं, नेपालमा कोरोना संक्रमणका कारण मृत्यु हुनेको संख्या हरेक दिन दोब्बर हुन थालेको छ ।

पछिल्लो एक साताको तथ्याङ्कलाई हेर्ने हो भने नेपालमा कोरोना संक्रमणका कारण मृत्यु हुनेको संख्या अप्रत्यासित रुपमा बृद्धि भएको देखिन्छ । बैशाख ७ गते देशभर ३ जनाको कोरोनाका कारण मृत्यु भयो । त्यसको भोली पल्ट बैशाख ८ गते मृत्यु हुनेको संख्या ६ पुग्यो । त्यस्तै बैशाख ९ र १० गते ५/५ जनाले कोरोनाका कारण ज्यान गुमाए ।

बैशाख ११ गते नेपालमा कोरोनाका कारण मृत्यु हुनेको संख्या ह्वात्तै बढ्यो । उक्त दिन देशभर १४ जना संक्रमितहरुको मृत्यु भयो भने त्यसको भोलि पल्ट अर्थात बैशाख १२ गते आइतवार दोब्बर २८ जनाको कोरोनाका कारण मृत्यु भयो ।

स्वास्थ्य मन्त्रालयको तथ्याङ्कका आधारमा नेपालमा कोरोना संक्रमितको संख्या दैनिक दोब्बर रुपमा बृद्धि हुन थालेको छ । स्वास्थ्य मन्त्रालयका अनुसार देशभर संक्रमितको संख्या पनि दैनिक बृद्धि भइरहेको छ ।

पछिल्लो २४ घण्टामा नेपालमा थप ३१ सय २२ जनामा कोरोनाभाइरस सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले ९ हजार २ सय ९२ पीसीआर र ७ सय ८६ को एन्टिजेन विधिबाट परीक्षण गर्दा सो संख्यामा कोरोना भाइरस सङ्क्रमण पुष्टि भएको जानकारी दिनुभयो ।

उहाँका अनुसार पीसीआर विधिबाट गरिएको परीक्षणमा ३ हजार ३२ जनामा सङ्क्रमण पुष्टि भएको छ भने एन्टिजेन विधिबाट ९० जनामा सङ्क्रमण भएको हो ।

यसैगरी भक्तपुरमा ९६, ललितपुरमा २७० र काठमाडौंमा १ हजार १३२ गरी १ हजार ४ सय ९८ जनामा सङ्क्रमण पुष्टि भएको छ । मन्त्रालयका अनुसार हाल देशभर २५२ जना आईसीयू र भेन्टिलेटमा ६५ जना रहेका छन् ।

मन्त्रालयका अनुसार देशभर कोरोनामुक्त हुने दर ९२ दशमलब ५ प्रतिशत रहेको छ ।

प्रतिक्रिया दिनुहोस !
Loading comments...
सम्बन्धित खबरहरु

लाइभमाण्डू । तपाईंका साथ कहिले यस्तो भयो जतिबेला तपाईंले तात्तातो चिया, कफी या सुपको एक चुस्की (सीप) लिनुभो र त्यो

कामको दबाव तथा निन्द्राको कमीका कारण महिलाहरुमा हृदयघात तथा स्ट्रोकको खतरा बढ्दै गएको छ । एउटा अध्ययनका अनुसार, फुल टाइम

काठमाण्डौ । नेपालमा २७.६ प्रतिशतले कोभिडविरुद्धको पूर्ण खोप लगाएका छन् । स्वास्थ्य तथा जनसंख्या मन्त्रालयका अनुसार शनिबार दिउँसो २ बजेसम्ममा

काठमाण्डौ । ६६ औं प्रहरी दिवस २०७८ को अवसरमा महानगरीय ट्राफिक प्रहरी महाशाखा रामशाहपथमा बिहीबार आयोजित स्वास्थ्य परीक्षण कार्यक्रममा २