काठमाडौं प्रवेश गर्दा अनिवार्य क्वारेन्टिन बस्नुपर्ने
१४ बैशाख २०७८, मंगलवार ०६:३०
काठमाडौं । आउदो १६ गतेदेखि काठमाडौं प्रवेश गर्दा अनिवार्य क्वारेन्टिन बस्नुपर्ने भएको छ । काठमाडौं उपत्यकामा कोरोना भाइरस संक्रमण बढेपछि नियन्त्रणका लागि काठमाडौं जिल्लामा जारी गरिएको आदेश अनुसार अब काठमाडौं प्रवेश गर्दा क्वारेन्टिन बस्नुपर्ने भएको हो ।
प्रमुख जिल्ला अधिकारीले संक्रमणको रोकथाम र नियन्त्रणका लागि संक्रामक रोग ऐन, २०२० को दफा २ र स्थानीय प्रशासन ऐन,२०२८ को दफा ६को उपदफा ३ अनुसार आउदो १६ गतेदेखि २२ गतेसम्म आदेश जारी गर्नुभएको हो ।
उक्त आदेश १६ गते विहान ६ बजे देखी २२ गते राती १२ बजेसम्म काठमाडौं जिल्लाभर लागू हुनेछ ।
