२० देखि २९ वर्षका सबैभन्दा बढी संक्रमित
१६ बैशाख २०७८, बिहीबार २३:०८
काठमाडौं । पछिल्लो २४ घण्टामा २० देखि २९ वर्षका १ हजार २ सय ६७ जनामा कोरोना संक्रमण पुष्टि भएको छ । ४ हजार ९ सय २८ संक्रमितमध्ये सबैभन्दा धेरै २० देखि २९ वर्षकामा कोरोना भेटिएको स्वास्थ्य तथा जनसंख्या मन्त्रालयले जनाएको छ ।
त्यसैगरी, ३० देखि ३९ वर्षका १ हजार २ सय ६०, ४० देखि ४९ वर्षका ८७४, ५० देखि ५९ वर्षका ५५२, १० देखि १९ वर्षका २९५, ६० देखि ६९ वर्षका २९० जना संक्रमित छन् ।
७० देखि ७९ वर्षका ११६, नौ वर्ष मुनिका ८९, ८० देखि ८९ वर्षका ४०, ९० देखि एक सय वर्षका ३ र अज्ञात ४५ जनामा कोरोना पुष्टि भएको मन्त्रालयको तथ्यांक छ ।
