गायक सपुतलाई कोरोना संक्रमण पुष्टि

काठमाडौं । लोकप्रिय गायक प्रकाश सपुतलाई कोरोना संक्रमण पुष्टि भएको छ । उनले सामाजिक सञ्जालमार्फत आफू कोरोना संक्रमित भएको जानकारी दिएका हुन् ।

सपूतले काठमाडौं मेडिकल कलेजमा गरिएको पीसीआर परीक्षणको रिपोर्ट शुक्रवार दिउँसो पोजिटिभ आएको उल्लेख गरेका छन् । थुप्रै लोकपृय गितका युवा गायक सपुतले लेखेका छन्– ‘अन्ततः काठमाडौं मेडिकल कलेजका अनुसार मेरो पीसीआर रिपोर्टमा कोरोना पोजिटिभ देखिएको छ ।’

यसक्रममा सपुतले आफ्नो प्रत्यक्ष सम्पर्कमा भएका सबैसँग पीसीआर टेस्ट गराउन अनुरोधसमेत गरेका छन । अगाडी गायक प्रकाशले भनेका छन- ‘एकदमै धेरै शरिर दुख्ने, गल्ने, छटपटि हुने, टाउको भारी हुने, घरीघरी श्वास बढ्ने र केही हुन्छ कि जस्तो एन्जाईटि फिल भएपछि मैले पीसीआर टेस्ट गराएको थिए ।अहिले म होम आईसोलेशनमा छु र मेरो अवस्था सामान्य छ ।’