पूर्वरानी कोमललाई दिइएको ‘हाइ फ्लो अक्सिजन’ के हो? कसरी दिइन्छ ?

काठमाडौं : कोरोना संक्रमित पूर्वरानी कोमल शाह यतिखेर नर्भिक अस्पतालको आइसीयूमा उपचाररत छिन्‌।

​शरीरमा अक्सिजन मात्रा कम भएपछि उनलाई आइसीयूमा राखी उपचार थालिएको अस्पतालले जनाएको छ। शाहलाई हाइ फ्लो अक्सिजन सपोर्टमा राखिएको छ।

पूर्वरानीलाई कोमललाई दिएको हाइ फ्लो अक्सिजन कस्तो हो भनी जिज्ञासा राख्दा शुक्रराज ट्रपिकल तथा सरुवा रोग अस्पतालका निर्देशक सागरकुमार राजभण्डारीले भने, ‘हाइ फ्लो अक्सिजन सिलिन्डरबाट नभइ अन्य सानो मेसिनबाट दिने गरिन्छ, यसले न्यानो बनाइ श्वासप्रश्वासमा सहज बनाउने काम गर्छ।’

उनका अनुसार बिरामीको अवस्था हेरेर एक मिनेटमा ६० लिटरसम्म अक्सिजन दिइन्छ। सामान्यतयाः यसलाई अक्सिजन थेरापी भन्ने गरिन्छ। ​आइसीयूमा भएका बिरामीको रगतमा अक्सिजन कमी भएपछि हाइ फ्लो अक्सिजन दिनुपर्ने उनले जानकारी दिए।

‘बिरामीको अवस्था हेरेर र अवस्था क्रिटिकल भएपछि दिइन्छ, श्वासप्रश्वास दर कम भएपछि दिने गरिन्छ,’ उनले भने, ‘नाक र मुख दुवै छोपेर दिइन्छ, अक्सिजनको प्रेसर बढेपछि बिरामीलाई केही सजिलो हुन्छ।’

कोरोना संक्रमण भएकाहरूको शरीरमा अक्सिजनको कमी हुन्छ। कोरोनाको पछिल्ला भेरियन्ट संक्रमण भएकाहरूमा यो समस्या झनै बढिरहेको छ। भारतमा त अक्सिजनको हाहाकार नै मच्चिएको छ।

यो पनि पढ्नुहोस्

• कोरोना भाइरसबाट कसरी बच्ने ?

• हावा र सतहमा कोरोनाका जिवाणुहरु कति समय रहन सक्दछन ?

• कोरोनाभाइरस (COVID-19) को बारेमा बालबालिकासँग कसरी कुरा गर्ने?

• कोरोना भाइरस (COVID-19) रोगबाट कसरी आफू र अरूलाई बचाउने ?

• कस्तो अवस्थामा सेल्फ क्वारेन्टाइन बस्ने ?

• परिवारका एक वा बढी सदस्य संक्रमित हुँदा के गर्ने ? यस्तो छन् केही व्यावहारिक पक्ष

• अध्ययन भन्छ- ६ प्रकारको कोरोना, लक्षण के हुन्?

• कोरोनाले अक्सिजन कम हुन्छ, त्यस्तो बेला कसरी सुत्ने ?

• घरमा कोरोना संक्रमितको हेरचाहमा खटिनेले ध्यान दिनपर्ने कुराहरु :

• अध्ययन भन्छ- डबल मास्क बढी प्रभावकारी

• नेपालमा भित्रिएको कोरोनाको यूके भेरियन्टबारे जान्नैपर्ने कुरा

• के एस्ट्राजेनेका खोप लगाएकामा रगत जम्‍ने समस्या हुन्छ ?

• नेपालमा प्रयोग भइरहेको खोपले ‘रगत जम्‍ने समस्या’ गराउँछ ?

• कोरोना खोपले प्रजनन्‌ क्षमतामा असर पार्ने कुरामा सत्यता छ ?

• खोपका असरहरु कसरी थाहा पाउने ?

• खोप कसले लगाउने कसले नलगाउने ?

• होम आइसोलेसनमा बस्नु भएका संक्रमितहरुलाई अनुरोध – डा. रवीन्द्र पाण्डे