अध्ययन बिदामा रहेका स्वास्थ्यकर्मीलाई सम्बन्धित संस्थामा हाजिर हुन निर्देशन

काठमाडौं । अध्ययन बिदामा रहेका स्वास्थ्यकर्मीलाई सम्बन्धित स्वास्थ्य संस्थामा हाजिर हुन स्वास्थ्य तथा जनसंख्या मन्त्रालयले निर्देशन गरेको छ ।
मन्त्रालयले अध्ययन बिदामा रहेका र हाल अध्ययन नभएका अवस्थामा सम्पूर्ण स्वास्थ्यकर्मीलाई आआफ्नो दरबन्दी रहेको स्वास्थ्य संस्थामा हाजिर भइ सेवामा खटिन सार्वजनिक सूचना जारी गरेको हो ।

मन्त्रालयमा आज आइतबार भएको छलफलमा उनीहरुलाई सेवामा खटाउने निर्णय भएको विज्ञप्ति मार्फत् जनाइएको छ ।

विभिन्न चिकित्सा विद्यामा अध्ययनरत सम्पूर्ण विद्यार्थीहरु तथा अध्यापन गराउने सम्पूर्णलाई सम्बन्धित विश्वविद्यालय तथा कलेजहरुले उपचार व्यवस्थापनमा लगाउने साथै आवश्यकता अनुसार अन्य अस्पतालमा खटाउने निर्णय पनि गरेको मन्त्रालयले जनाएको छ।