काठमाडौं । कोरोना संक्रमण तिब्र रुपमा बढेपछि सरकारले अन्तर्राष्ट्रिय तथा आन्तरिक उडानमा रोक लगाउने निर्णय गरको छ ।

हिजोको मन्त्रिपरिषद्को बैठकले आज मध्यरात देखि आन्तरिक उडान र २२ बैशाख मध्यरात देखि अन्तर्राष्ट्रिय उडानमा रोक लगाउने निर्णय गरेको हो ।

सरकारले संक्रमण बढदै जाँदा विभिन्न जिल्लामा लकडाउन गर्दै स्थलमार्गबाट चल्ने यातायात बन्द गरेको छ । सरकारका प्रवक्ता एबं सञ्चार तथा सूचना प्रविधि मन्त्री पार्वत गुरुङले जनस्वास्थ्य विज्ञहरुको सुझाव अनुसार हवाई उडानमा रोक लगाउने निर्णय गरिएको बताउनुभयो ।

वैशाख २० गते मध्यरातदेखि बैशाख मसान्तसम्मका लागि आन्तरिक उडान र वैशाख २२ गते मध्यरातदेखि सबै अन्तर्राष्ट्रिय उडानमा रोक लगाउने निर्णय गरेको मन्त्री गुरुङले जानकारी दिनुभयाे ।