पूर्वरानी शाहको स्वास्थ्यमा सुधार, आईसीयूबाट वार्डमा सारियो
२२ बैशाख २०७८, बुधबार २३:४५
काठमाडौँ– पूर्वरानी कोमलराज्य लक्ष्मी शाहलाई आईसीयूबाट वार्डमा सारिएको छ।
कोरोनाभाइरसको संक्रमण भएपछि पूर्वरानी शाहलाई थापाथलीस्थित नर्भिक अस्पताल उपचार भइरहेको छ । स्वास्थ्यमा समस्या देखिएपछि गत बिहीबारबाट उनको प्लाज्मा थेरापी विधिबाट आईसीयूमा राखेर उपचार थालिएको हो ।
अहिले पूर्वरानी शाहको स्वास्थ्यमा सुधार आएको अस्पतालले जनाएको छ । सुधार आएपछि उनलाई आईसीयूबाट वार्डमा सारिएको अस्पतालले जानकारी दिएको हो ।
यस्तै कोरोना संक्रमित भएका पूर्वराजा ज्ञानेन्द्र र पूर्वअधिराजकुमारी प्रेरणा शाहको स्वास्थ्य अवस्था सामान्य रहेको अस्पतालले जनाएको छ ।
