काठमाडौं उपत्यकामा ५० प्रतिशत भन्दा बढी संक्रमित : प्रधानमन्त्री ओली
२४ बैशाख २०७८, शुक्रबार १४:१९
काठमाडौ । प्रधानमन्त्री केपी शर्मा ओलीले ५० प्रतिशतभन्दा धेरै संक्रमित काठमाडौं उपत्यकामा रहेको बताउनु भएकाे छ । देशबासीका नाममा सम्बोधन गर्दै उहाँले १९ वैशाखसम्मको तथ्यांक अनुसार ५०.४ प्रतिशत संक्रमित काठमाडौं उपत्यकामा रहेको बताउनु भएकाे हाे ।
उहाँका अनुसार काठमाडौंमा मात्रै ३८.४ संक्रमित रहेका छन् । ३० जिल्लामा २०० भन्दा बढी र १५ जिल्लामा ५०० सय बढी सक्रिय संक्रमित रहेका छन् ।
हिजो मात्र नेपालमा थप ७ हजार २ सय ११ जनामा संक्रमण पुष्टि भएको थियो भने २७ जनाको मृत्यु भएको थियो । स्वास्थ्य मन्त्रालयले जेठ अन्तिमसम्म नेपालमा दैनिक ११ हजार भन्दा बढी कोरोना संक्रमित हुने प्रक्षेपण गरिसकेको छ
