मालीकी एक महिलाले एकैपटक जन्माइन् ९ सन्तान


बामाको । मालीकी एक महिलाले एकैपटक ९ सन्तानलाई जन्म दिएकी छिन् । २५ वर्षीया हलिमा सिसेले मोरक्कोको एक अस्पतालमा ९ सन्तानलाई एकैपटक जन्म दिएकी हुन् । उनलाई माली सरकारले विशेष उपचार र हेरचाहका लागि मोरक्को पठाएको हो ।

९ सन्तानमध्ये ४ जना छोरा र ५ जना छोरी रहेको बताइएको छ । ‘अहिले म निकै खुसी छु’, सिसेकी श्रीमान्ले भने, ‘मेरी श्रीमती अनि बच्चाहरूको अवस्था राम्रै छ ।’

यसअघि सन् २००९ मा अमेरिकाकी एक महिलाले ८ सन्तानलाई एकैपटक जन्म दिएकी थिइन् । हालसम्म गिनिज बुकमा एकैपटक सबभन्दा धेरै जिवित सन्तान जन्माउनेमा उनकै नाम थियो ।

त्यसैगरी सन् १९७१ मा अस्ट्रेलिया र मलेसियाकी महिलाले सन् १९९९ मा पनि ९ सन्तानलाई जन्म दिएका थिए । तर ती सबै जन्मिएको केही दिनसम्म मात्रै जिवित रहेका थिए ।


Loading comments...