कोरोनाकाे कारण एसईई र कक्षा १२ को परीक्षा स्थगित
२७ बैशाख २०७८, सोमबार १२:३५
काठमाडौं । कोरोना महामारीको कारण यस वर्षको एसईई र कक्षा १२ को परीक्षा स्थगित भएको छ । अर्को सूचना नभएसम्मका लागि दुवै परीक्षा स्थगित गरिएको बोर्डले जनाएको छ ।
राष्ट्रिय परीक्षा बोर्डको बिहान बसेको बैठकले स्थगित गर्ने निर्णय गरेको हो । जेठ १३ देखि एसईईको परीक्षा र जेठ २६ देखि १२ को परीक्षा तोकिएको थियो ।
राष्ट्रिय परीक्षा बोर्डका अनुसार यस बर्ष ५ लाख १७ हजार विद्यार्थी एसईई तथा करिब ४ लाख विद्यार्थी कक्षा १२ को परीक्षा दिने तयारीमा रहेकको बोर्डले जनाएको छ ।
