महावीर पुनलाई भेट्न पुगे उद्योगमन्त्री भट्ट

काठमाडौं । उद्योग, वाणिज्य तथा आपूर्ति मन्त्री लेखराज भट्टले राष्ट्रिय आविस्कार केन्द्रका अध्यक्ष महावीर पुनसँग भेट गरेका छन् । कोरोना महामारीका कारण मुलुकभर अक्सिजनको चरम अभाव भइरहेको बेलामा अहिलेको संकटलाई कसरी व्यवस्थापन गर्न सकिन्छ ? भन्नेविषयमा सुझाव लिन मन्त्री आविस्कार केन्द्रमा पुगेको बताइएको छ ।

शनिबार दिउँसो मन्त्रालयका अधिकारी र नेपाल आयल निगमका अधिकारीहरुलाई समेत साथमा लिएर पुगेका मन्त्री भट्टलाई पुनले पर्याप्त मात्रामा अक्सिजन कन्सन्टेटर खरिद गर्न सुझाव दिएको जानकारी दिए ।

‘आज राष्ट्रिय आविष्कार केन्द्रमा उद्योग, बाणिज्य तथा आपूर्ति मन्त्री ज्यू, सह सचिब ज्यू र नेपाल आयल निगमका प्रमुख कार्यकारी अधिकृत ज्यू आउनु भयो।, पुनले सामाजिक सञ्जालमा लेखेका छन् – भेटघाटमा अनौपचारिक छलफल भयो। यसको अन्तिम र ठोस परिणाम के निस्कन्छ थाहा छैन तर सके सम्म कोरोना महामारी बाट त्रसित नेपालीहरु को पिडा लाई कसरी कम गर्ने भन्ने कुराको दुई तिन वटा बुँदामा कुरा अगाढी बढ्दै छ।’