कोरोना लाग्नु अघि डीएसपी केसीले लेखेका थिए- कृपया सामाजिक सञ्जालमा श्रद्धाञ्जलि नराख्नुहोस्

काठमाडौं – आफूलाई कोरोन भाइरस संक्रमण हुनअघि महानगरीय प्रहरी परिसर काठमाडौंमा कार्यरत प्रहरी नायव उपरिक्षक (डीएसपी) राजकुमार केसीले आफ्नो फेसबुक स्टाटसमा सामाजिक सञ्जालमा कोरोना संक्रमणमा मृत्यु भएका समाचार र श्रद्धाञ्जलि नराख्नु भनि लेखेका थिए ।

उनले लेखेका थिए, ‘कृपया केही समयका लागि कसैले पनि सामाजिक सञ्जालमा मृत्युको समाचार/श्रद्धाञ्जलि नराख्नुहोस्, राखेको भएपनि हटाउनुहोस् यसले विरामी/विरामीको परिवारमा नकरात्मक भाव पैदा गरि आत्मबल घटाउने काम गर्दछ ।’

लगत्तै उनलाई कारोना भाइरस संक्रमण भयो । त्यसको २ साता पछि बुधबार राति उनको निधन भयो । नेपाल प्रहरीका डीएसपी राजकुमार केसीको बुधबार राति महराजगञ्जस्थित प्रहरी अस्पतालमा उपचारका क्रममा निधन भएको हो ।

कागेश्वरी मनोहरा नगरपालिका मूलपानी स्थायी घर भएका केसी प्रहरी संगठन भित्र इमान्दार, दक्ष र कर्तव्यनिष्ठ प्रहरी अधिकारीको रुपमा चिनिन्थे।