म्यानमारको सेनाले भन्यो- प्रजातन्त्रवादी नेतृ सुचीको स्वास्थ्य राम्रो छ


यांगुन । सैन्य हिरासतमा रहेकी म्यानमारकी प्रजातन्त्रवादी नेतृ आङ सान सुचीको स्वास्थ्य अवस्था राम्रो रहेको त्यहाँको सेनाले जनाएको छ ।

म्यानमारको सैन्य प्रमुख मिन आंग लाइङ्‌गले नेतृ सुचीको स्वास्थ्य अवस्था राम्रो रहेको र छिटै अदालतमा पेस गरिने बताएका छन् । हङकङस्थित एक चिनियाँ भाषी सञ्चारमाध्यमलाई अन्तर्वार्ता दिनेक्रममा सेना प्रमुख मिनले यस्तो जनाएका हुन् ।

यसैबीच म्यानमारको निर्वाचन आयोगले सुचीको पार्टी नेसनल लिग फर डेमोक्रेसी (एनएलडी) खारेज गर्ने तयारी गरेको छ । गत वर्ष भएको निर्वाचनमा धाँधली गरेको आरोप लगाउँदै उक्त पार्टी खारेज गर्नेबारे आयोगले तयारी गरिरहेको हो ।

सेनाद्वारा नियुक्त गरिएका आयोगका अध्यक्ष थेइन सोएले राजनीतिक दलहरुसँग भएको छलफलमा सुचीको पार्टी खारेज गर्नेबारे आफूहरुले विचार गरिरहेको जानकारी दिएको स्थानीय सञ्‍चारमाध्यमहरुले उल्लेख गरेका छन् ।


Loading comments...