ओलीले बोलाए स्थायी समितिको बैठक
१० जेष्ठ २०७८, सोमबार १३:५८
प्रधानमन्त्री तथा नेकपा (एमाले) का अध्यक्ष केपी ओलीले स्थायी समितिको बैठक बोलाएका छन् । बैठक आज दिउँसो ४ बजे प्रधानमन्त्री निवास बालुवाटारमा बस्ने छ ।
यसअघि बसेको स्थायी समितिको बैठकले माधव कुमार नेपालसहित पार्टीका ११ जना नेतालाई स्पष्टीकरण सोध्ने निर्णय गरेको थियो ।
यता विपक्षी गठबन्धन प्रतिनिधिसभा विघटनविरूद्ध सर्वोच्च अदालत जाने तयारीमा छन् ।
प्रतिनिधिसभा विघटन, निर्वाचन घोषणा, विपक्षी गठबन्धनको कसरत तथा पार्टीको आन्तरिक विवादलगायतका विषयमा आजको बैठकमा छलफल हुने बताइएको छ ।
