Lifestyle Portal
  •   १९ आश्विन २०७९, बुधबार

पृथ्वीमा पो लकडाउन, आकाशमा त छैन ! १ सय ३० पाहुना बोलाएर आकाशमा बिहे

११ जेष्ठ २०७८, मंगलवार २२:०४

लोकप्रिय

काठमाडौं। कोरोनाभाइरस महामारीले पछिल्लो समय आतंकको अवस्था सृजना गरेको छ । ठूलो संख्यामा संक्रमितहरु थपिइरहेका छन् । मृत्यु हुनेहरुको संख्या पनि त्यसैगरी बढिरहेको छ । अधिकांश क्षेत्रमा प्रतिबन्ध लगाइएको छ । भीडभाड हुने कार्यक्रमहरुमा रोक लगाइएको छ ।

नेपालसँगै छिमेकी देश भारतको अवस्था पनि यही छ । तर, एक जोडीलाई बिहेमा आफ्ना सबै आफन्तहरु बोलाउन मन लागेपछि उनीहरुले हवाइजहाजमा चढेर आकाशमा बिहे गरेका छन् । उनीहरुले १ सय ३० जना आफन्तको साथमा हवाइजहाजमा बिहे गरेका छन् । यो अनौठो बिहे तमिलनाडुमा भएको हो ।

तमिलनाडुमा कोरोना संक्रमणका केसहरु बढेपछि मुख्यमन्त्री स्टालिनले २४ मे देखि ३१ मेसम्म पूर्ण लकडाउनको घोषणा गरेका छन् । यही बीच कैयौं जोडीहरु जसले २४ देखि ३१ मेको बीचमा बिहे गर्ने योजना बनाएका थिए तीमध्ये धेरै जोडी मन्दिरबाहिर जम्मा भए र आफ्नो आफन्तको अगाडि बिहे गरे किनकि लकडाउनको अवधिमा कुनै पनि समारोहको अनुमति दिइएको छैन ।

एक जोडीले भने एक कदम अगाडि बढेर चार्टर्ड हवाइ जहाजमा बिहे गरे । द न्यू इण्डियन एक्सप्रेसका अनुसार तमिलनाडुको मदुरैका राकेश र दीक्षाले एक विमान भाडामा लिए र १३० आफन्तको साथमा विमान आकाशमा भएका बेला बिहे गरे । यो जोडीको बिहे २ दिन पहिले भएको थियो र बिहेमा निकै कम पाहुना सहभागी भएका थिए तर जब राज्यमा १ दिनको छुटको घोषणा भयो त्यसपछि उनीहरुले यसरी धेरै आफन्तको साथमा बिहे गर्ने योजना बनाए ।

दम्पतीले आफूसँग बिहेमा सहभागी भएका १३० जना सबै आफन्त भएको र उनीहरुको आरटीपीसीआर रिपोर्ट नेगेटिभ आएपछि मात्रै उनीहरुलाई विमानमा चढाइएको दावी गरेका छन् । तमिलनाडुमा औसत ३५ हजार संक्रमणका केस भेटिएका छन् । यही कारण मुख्यमन्त्रीले लकडाउन कडा बनाएर एक हप्ता बढाउने निर्णय गरेका थिए । २३ मेका दिन एक दिनको लागि छुट दिँदै पसलहरु पनि राती ९ बजेसम्मका लागि खोल्न अनुमति दिइएको थियो ।

प्रतिक्रिया दिनुहोस !
सम्बन्धित खबरहरु

नेपालका लागि भारतीय राजदूत नवीन श्रीवास्तव र नेपाल सरकारका माननीय गृहमन्त्री बालकृष्ण खाणले आज काभ्रेपलाञ्चोकमा राष्ट्रिय प्रहरी प्रशिक्षण प्रतिष्ठानको निर्माणका

राजनेता विश्वेश्वरप्रसाद कोइरालाको जन्म जयन्तीको दिन पारेर अठार वर्षअघि मेरा दाजु खनूपरुदे ‘रामबाबू’ प्रसाईले मैले लेखेको पारिजातकाे जीवनी पढेर मलाई

काठमाडौं- ‘किताब जात्रा’को पाचौं संस्करण भदौ २४ र २५ गते नेपाल प्रज्ञा प्रतिष्ठान, कमलादी, काठमाडौंमा हुने भएको छ । किताब

काठमाडौं । ललितपुर ३ बाट जेसन वैद्यले स्वतन्त्र उम्मेदवारी घोषणा गरेका छन्। उनले ललितपुरमा एक कार्यक्रम गर्दै प्रतिनिधि सभा निर्वाचनको