मिया खलिफाको टिकटकमा प्रतिबन्ध

इस्लामाबाद–पाकिस्तान सरकारले टिकटक एपमा दुईपटक प्रतिबन्ध लगाएर पनि फुकुवा गरिसकेको छ । पाकिस्तानी टेलिकम्युनिकेश अथोरिटी(पीटीए)ले यो सामाजिक सञ्जाल एपमा कन्टेन्टलाई शेयर गर्नका लागि नयाँ तरिका अपनाएको छ ।

आजतकका अनुसार पीटीएले अपनाएको नयाँ तरिका व्यक्तिगत रुपमा कसैको एकाउण्टमा प्रतिबन्ध लगाउनु हो । पीटीएले स्पोर्टस कमेण्टेटर तथा पूर्व पोर्न स्टार मिया खलिफाको एकाउण्टमाथि पाकिस्तानमा प्रतिबन्ध लगाएको छ ।

पीटीएले बिना कुनै आधिकारिक घोषणा मियाको एकाउण्टमा प्रतिबन्ध लगाएको हो । उनको एकाउण्ट के कारणले प्रतिबन्धमा पर्यो भन्ने निश्चित कारण खुलाइएको छैन ।

पाकिस्तानमा मियाका फ्यानले उनको कन्टेन्ट नभेटेपछि उनीहरुले यो विषयलाई ट्वीटरमा कुरा उठाए । मियाले ट्वीटरमार्फत नै आफ्नो एकाउण्ट प्रतिबन्धमा परेको जानकारी पाइन् ।

तर लेबनान मूलकी मियाले पीटीएको यो प्रतिबन्धलाई प्राथमिकता दिइनन् । उनले ट्वीटमा जुन कुरा लेखेकी छन्, त्यसले पाकिस्तानी फ्यानका लागि केही राहत दिएको छ ।

‘म अबदेखि आफ्नो सारा टिकटक ट्वीटरमा फेरि पोस्ट गर्दैछु । मेरो यो ती पाकिस्तानी फ्यानका लागि हो, जो फासीवादलाई मेटाउन चाहन्छन्’, उनले लेखेकी छन् ।

पाकिस्तानमा कैयौं सामाजिक सञ्जाल प्रयोगकर्ताले मियाको समर्थन र पीटीएको कामको आलोचना गरेका छन् । उनीहरुले पीटीएलाई आफ्नो काममा ध्यान दिन सुझावसमेत दिएका छन् ।

मिया सामाजिक र मानव अधिकार सम्बन्धी मुद्धामा आफ्नो धारणा व्यक्त गर्छिन् । उनले प्यालेस्टाइनमा इजरायलले गरेको हमलाविरुद्ध आवाज उठाएकी थिइन् ।

मिया २१ वर्षको उमेरमै पोर्न उद्योगको चर्चित नाम बनेकी थिइन् । यद्यपि अहिले उनले यो उद्योग छोडिसकेकी छन् ।