४० माइक्रोन भन्दा पातला प्लास्टिक उत्पादन रोक्ने विभागको पूर्वतयारी
१८ जेष्ठ २०७८, मंगलवार ०१:४३
काठमाडौं । वातावरण विभागले ४० माइक्रोन भन्दा पातला प्लास्टिक उत्पादन रोक्ने पूर्वतयारी गर्न उद्योगहरूलाई आग्रह गरेको छ । सरकारले आउँदो साउन १ गतेदेखि ४० माइक्रोन भन्दा पातला प्लास्टिकमा प्रतिबन्ध लगाउने जानकारी गराउँदै त्यसअघि नै पातला प्लास्टिकको उत्पादन रोक्न भनेको हो ।
विभागका महानिर्देशक मुकुन्दप्रसाद निरौलाले सोमबार एक प्रेस विज्ञप्ति जारी गर्दै अहिले पातला प्लास्टकि उत्पादन गरिरहेका उद्योगहरूले मेसिनको पाटपुर्जा परिवर्तन गरेमा त्यसको खर्च अनुदान स्वरूप उपलब्ध गराउने जानकारी गराएका छन् ।
सरकारले आउँदो वर्षको बजेटमा साउन १ गतेदेखि ४० माइक्रोन भन्दा पातला प्लास्टिकमा प्रतिबन्ध लगाउने घोषणा गरेको छ ।
