१ हजार ८९५ जना संक्रमित आईसीयू र भेन्टिलेटरमा, कुन प्रदेशमा कति ?

काठमाडौँ– स्वास्थ्य तथा जनसंख्या मन्त्रालयका अनुसार १ हजार ८९५ जना कोरोना संक्रमितको देशका विभिन्न आईसीयू र भेन्टिलेटरमा उपचार भइरहेको छ ।

मन्त्रालयको आजको तथ्यांक अनुसार देशभर हाल १ हजार ४९१ कोरोना संक्रमितको आईसीयूमा र ४०४ को भेन्टिलेटरमा गरी कुल १ हजार ८९५ जना उपचाररत छन्।

मन्त्रालयको आजको तथ्यांक अनुसार प्रदेश १ मा २३४ जना आईसीयूमा र ६० भेन्टिलेटरमा उपचाररत छन् । यसैगरी प्रदेश २ मा १२० आईसीयूमा र ३० जनाको भेन्टिलेटर उपचार भइरहेको छ। यसैगरी बागमती प्रदेशमा ७२१ जना आईसीयूमा र २४६ जना भेन्टिलेटरमा छन्।

गण्डकी प्रदेशमा १४९ जना आईसीयूमा र २८ जना भेन्टिलेटरमा, लुम्बिनी प्रदेशमा १७२ जना आईसीयूमा र २४ जना भेन्टिलेटरमा, कर्णालीमा ३७० जना आईसीयूमा र ५३ जना भेन्टिलेटरमा, सुदूरपश्चिम प्रदेशमा ४२ जना आईसीयू र १० जना भेन्टिलेटरमा रहेको मन्त्रालयले जनाएको छ।

यस्तो छ मन्त्रालयको विवरण