इरानी नौसेनाको सबैभन्दा ठूलो जहाज ओमानको खाडीमा डुब्यो

इरानी । इरानी नौसेनाको सबैभन्दा ठुलो पानी जहाज ओमानको खाडीमा आगलागी भएपछि समुन्द्रमा डुबेको छ । इरानी समाचार संस्थाका अनुसार खर्ग नामक उक्त जहाजको चालक दललाई भने उद्धार गरिएको छ ।

जहाजमा आगो कसरी लाग्यो भन्नेबारेमा भने अहिलेसम्म केहि खुलेको छैन् । इरानी नेबीले एक विज्ञप्ति जारी गर्दै आगो निभाउन लगातार २० घण्टासम्म पनि कोशिस गरेको भएपनि अन्त्यमा जहाज डुबेको जनाएको छ ।

ओमानको उक्त सामुन्द्रीक खाडी निकै सम्वेदनशिल मानिन्छ । जुन हालैको वर्षमा इरान तथा पश्चिमी देशकोबीच तनावको केन्द्र मानिदै आएको छ । हालै त्यस स्थानमा इरान र इजराइले एक अर्काबीच जहाजमा हमला गरेको आरोप लगाएका थिए ।

ओमानको उक्त खाडीलाई जलमार्गबाट हुने तेल सप्लाईको मुख्य हिस्सा मानिन्छ । यसअघि हिजोमात्रै इरानको राजधानी तेहरानमा पनि एक तेल रिफाइनरीमा लागेको आगो निभाउने प्रयास भएपनि पुर्णरुपमा आगो नियन्त्रणमा आउन सकेको छैन् ।