काठमाडौं । सरकारले स्वास्थ्यकर्मी र स्वास्थ्य संस्थाको सुरक्षा सम्वन्धी ऐन, २०६६ लाई संसोधन गरि अध्यादेश ल्याउने निर्णय गरेको छ ।बिहीबार बालुवाटारमा बसेको मन्त्रिपरिषद्को बैठकले स्वास्थ्य मन्त्रालयको प्रस्तावलाई केही संसोधनसहित स्वास्थ्यकर्मीको सुरक्षाका लागि उक्त अध्यादेश ल्याउने निर्णय गरेको एक मन्त्रीले जानकारी दिनुभएको छ ।

उहाँका अनुसार स्वास्थ्यकर्मीलाई आक्रमण गरी अंगभंग वा घाइते बनाए ३ वर्ष कैद र ३ लाखसम्म जरिवानाको व्यवस्थासहित अध्यादेश ल्याउन लागेको हो ।

स्वास्थ्य मन्त्रालयले पेश गरेको प्रस्तावको केही बुँदामा केही संसोधन गरिएको उहाँले जानकारी दिनुभयो ।