विक्कीसँग कटरीनाको यस्तो चाहना

मुम्बई(दैनिकभास्कर)– अभिनेत्री कटरीना कैफ र अभिनेता विक्की कौशल अफेयरका कारण लामो समयदेखि चर्चामा छन् । ‘भूत पार्ट वन’को स्क्रिनिङमा होस् या अम्बानी पीरामलको होली पार्टीमा होस्, दुवैजनालाई सँगै देखिनुले उनीहरु अफेयरमा छन् भन्ने कुराको केही हदसम्म प्रमाणित गरिदिएको छ ।

रोचक कुरा के छ भने यी दुवै कलाकारलाई एकैपटक कोरोना पोजेटिभ भएको थियो । यी सबै कुरा एकसाथ भइरहनुले पनि उनीहरु प्रेममा छन् भन्ने कुराको पुष्ट्याइ गरेको छ ।

विक्कीलाई लिएर कटरीना निकै आशावादी छन् । त्यहीकारण उनी विक्की कुनै पनि फिल्ममा अन्य कोही अभिनेत्रीसँग अन्तरंग दृश्य नगरुन भन्ने चाहन्छिन् ।

कटरीना र विक्की सामाजिक सञ्जालको माध्यमबाट आफ्नो सम्बन्ध सार्वजनिक गर्न चाहन्छन् । तर विक्कीका पिता भने आधिकारिक रुपमा सम्बन्ध घोषणा नहोस् भन्ने चाहन्छन् ।
।

‘विक्कीका पिता शाम कौशल रोमान्सलाई लिएर छोराको नाममा समाचार नबनोस् भन्ने चाहन्छन् । शामले विक्कीलाई अहिले करियर उच्च स्थानमा पुगेको हुनाले कुनै ठूलो कदम नचाल्न भनेका छन् ’, विक्की निकट स्रोतले भनेको छ ।

कटरीना विक्कीभन्दा चार वर्ष जेठी छिन् । सम्बन्धको कुरा गर्दा विक्कीको अफेयर ‘ब्रोकन बट ब्यूटीफूल’ फेम हरलीन सेठीसँग थियो ।

कटरीना पनि रणवीरसँग लिभ इन रिलेसनमा रहिसकेकी छन् । उनको नाम सलमानसँग पनि जोडिएको थियो । तर आधिकारिक पुष्टि भइसकेको छैन ।