Lifestyle Portal
  •   ८ कार्तिक २०७८, सोमबार

कार्यदलले काम गर्ने ओलीको प्रस्ताव, तर कार्यदलको नेतृत्व गरेका रावल नै कारबाहीमा

२३ जेष्ठ २०७८, आईतवार २३:५८

काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले आज ६ बुँदे प्रस्ताव राख्दै पार्टी एकताका लागि आह्वान गरेका छन् । उनले खनाल–नेपाल समूहले प्रतिपक्षी नेपाली कांग्रेसका सभापति शेरबहादुर देउवालाई प्रधानमन्त्री बनाउन माग गर्दै सर्वोच्च अदालतमा दायर रिटमा गरेको हस्ताक्षर फिर्ताको माग गरेका छन् । त्यसो भएमा आफू जेठ ३ गते अघिको कमिटीमा फर्कन तयार रहेको ओलीको भनाइ छ ।

संगठनलाई जेठ ३ अघिको अवस्थामा पुर्‍याउने क्रममा देखा पर्ने समस्या समाधानका लागि कार्यदलले काम गर्ने ओलीद्वारा जारी विज्ञप्तिमा भनिएको छ ।

“मातहतका पार्टी कमिटी र जनसङ्गठनहरू मूलभूत रुपमा २०७५ जेठ ३ पूर्वको अवस्थामा फर्केर क्रियाशील हुने छन् । सङ्गठनात्मक क्षेत्रका यी निष्कर्षहरू कार्यान्वयन गर्ने क्रममा देखा पर्ने समस्या समाधानका लागि कार्यदलले काम गर्ने छ,” उनको प्रस्तावको बुँदा नम्बर २ मा उल्लेख छ ।

तर, एमालेले पार्टीलाई जेठ २ अघिको आसपासमा पुर्‍याउन गठित कार्यदलमा खनाल–नेपाल समूहको तर्फबाट नेतृत्व गरेका भीम रावल नै कारबाहीमा छन् । स्थायी कमिटी बैठकले वरिष्ठ नेता झलनाथ खनाल, माधव नेपाल भीम रावलसहित ११ जनालाई साधारण सदस्यबाट निष्कासन गरेको छ ।

केही अघि ओली र खनाल–नेपाल समूहका दोस्रो तहका नेताको अनौपचारि संवाद भएको थियो । पार्टी एकताका लागि गठित उक्त कार्यदलको औचित्य नरहेको कतिपयको टिप्पणी थियो ।

ओलीले यो बीचमा कुनै कारबाही नगर्ने बताएका छन् । यसअघि गरिएका कारबाहीका विषयमा भने केही खुलाएका छैनन् ।

प्रतिक्रिया दिनुहोस !
Loading comments...
सम्बन्धित खबरहरु

सन्तोष देवकोटा । भारतका प्रभावशाली दुई युवा नेता कन्हैया कुमार तथा जिग्नेश मेवाणीले मंगलबार राजनीतिको आगामी यात्राका लागि भारतीय कांग्रेस

प्रकाश तिम्सिना/न्युज कारखाना, सुनसरी । नेपाली कांग्रेसको १४औँ महाधिवेशनमा प्रदेश १ का दुई उपमहानगरपालिकाको नगर अधिवेशनमा पार्टी सभापति शेरबहादुर देउवा

काठमाण्डौ । दुई दिनभित्रै मन्त्रिपरिषद्लाई पूर्णता दिन सत्तारुढ गठबन्धन सहमत भएका छन् । आइतबार प्रधानमन्त्री निवासमा बसेको बैठकमा मन्त्रिपरिषद् विस्तार

गोर्खा । १४औं महाधिवेसनअन्तर्गत गोरखामा पालिकास्तरीय अधिवेशन सकिएको छ । शनिबार केही पालिकामा सर्वसम्मत र कतै मतदानमार्फत नेतृत्व छनौट गरिएको