राष्ट्रपतिलाई भेट्न शीतल निवास पुगे प्रधानमन्त्री

प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शीतल निवास पुगेका छन्। प्रधानमन्त्री ओलीले सोमबार साँझ राष्ट्रपति विद्यादेवी भण्डारीसँग शीतल निवास पुगेर वार्ता गरेको स्रोतले बताएको छ।

यो भेटवार्ताका क्रममा नेकपा एमालेमा देखिएको विवाद मिलाउन आफूले गरेको पहलबारे ओलीले जानकारी गराएको स्रोतले बताएको छ। त्यस्तै सरकारका पछिल्ला कामकारबाही, कोरोना नियन्त्रण, प्रतिनिधिसभा विघटनपछिको राजनीतिक परिस्थितिबारे दुई जनाबीच कुराकानी भएको छ।

प्रधानमन्त्रीको सचिवालयले यो भेटलाई नियमित भएको छ। प्रधानमन्त्रीले आवश्यक परे अनुसार राष्ट्रपतिलाई भेटेर परामर्श लिने गरेका छन्। एमालेमा देखिएको विवाद समाधानमा राष्ट्रपतिले पटक पटक विशेष चासो राख्ने गरेकी छन्।