थप ३ हजार ३८४ जनामा संक्रमण, ६ हजार २९५ जना निको


काठमाडौं। गत २४ घण्टामा नेपालमा ३ हजार ३८४ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा ६ हजार २९५ जना निको भएर घर फर्केका छन्।

मन्त्रालयका अनुसार गत २४ घण्टामा ८ हजार ५०६ पीसीआर परीक्षण गर्दा २ हजार ३८२ जनामा कोरोना संक्रमण पुष्टि भएको छ। यस्तै ५ हजार ९८८ परीक्षण गर्दा १ हजार २ जनामा एन्टिजेनमा पोजेटिभ देखिएको छ।

गएको २४ घण्टामा ६१ जनाको कोरोनाका कारण ज्यान गएको छ। नेपालमा हाल ७१ हजार ३०१ जना आइसोलेसनमा रहेका छन् ।


Loading comments...