सिन्धुपाल्चोकको बाढीका नाममा चन्दा वा सहयोग उठाए कारबाही


सिन्धुपाल्चोकको मेलम्ची तथा इन्द्रावती नदीको बाढीबाट पीडित भएकाको नाममा चन्दा तथा सहयोग संकलन गर्न नपाइने भएको छ ।

जिल्ला प्रशासन कार्यालय सिन्धुपाल्चोकले शुक्रबार एक सूचना जारी गरी बाढीको नाममा चन्दा वा सहयोग संकलन नगर्न आग्रह गरेको हो । विपद् जोखिम न्यूनीकरण तथा व्यवस्थापन ऐन २०७४ को दफा २४ (१) (ख) बमोजिम अनुमति लिई वा नलिई विपदका नाममा चन्दा, राहत वा सहयोग संकलन गरेमा कारबाही गर्ने चेतावनी दिइएको छ । साथै यसै बाढीको बहानामा
बजार मूल्य बढाउने, कृत्रिम अभाव सिर्जना गर्ने गुणस्तरहीन वस्तु विक्री गर्ने गरेको पाइएका पनि कानुनअजुसार कारकाही गरिने सूचनामा भनिएको छ । यसो गरेका दुई वर्ष कैद तथा एक लाख रुपैयाँ जरिवाना गराउने चेतावनी जिल्ला प्रशासन कार्यालय सिन्धुपाल्चोकले दिएको छ ।

यसो गरिएमा नजिकको प्रहरी चौकी वा ९८४१३९२८८३ मा जानकारी आग्रहसमेत गरिएको छ ।


Loading comments...