Lifestyle Portal
  •   २ जेष्ठ २०७९, सोमबार

जीवन विकासको आइपीओ बाँडफाँड भोलि, पर्ने सम्भावना कति ?

२२ असार २०७८, मंगलवार २१:१६

काठमाडौं । जीवन विकास लघुवित्तको आइपीओ भोलि बाँडफाँड हुने भएको छ । सेयर निष्काशन तथा बिक्री प्रबन्धक एनएमबि क्यापिटलका अनुसार क्यापिटलको कार्यालयमा बिहान ९ बजे आईपीओ बाँडफाँड हुने भएको हो ।

सोमबार प्रिअलोटमेन्ट सम्बन्धी काम सकिएको छ ।

जीवन विकास लघुवित्तको आईपीओले इतिहास कायम गरेको थियो । आईपीओ इतिहासमै पहिलोपल्ट २० लाख ५९ हजार ३ सय ५८ जनाले सेयर माग गरेका थिए । सर्वसाधारणबाट ३ अर्ब १२ करोड ६६ लाख २६ हजार २ सय रूपैयाँ बराबरको ३ करोड १२ लाख ६६ हजार २ सय ६२ कित्ता माग भएको छ

कम्पनीले प्रति कित्ता एक सय रुपैयाँ मूल्य अंकित १९ लाख ७७ हजार ३ सय कित्ता बराबरको १९ करोड ७७ लाख ३० हजार मूल्यको आईपीओ बिक्री खुला गरेको हो । नेपाल धितोपत्र बोर्डले कम्पनीलाई जेठ ३० गते आईपीओ निष्काशन गर्ने अनुमति दिएको थियो ।

जारी पूँजीको ५ प्रतिशत सेयर कर्मचारीहरुका लागि र कुल निष्काशनको ५ प्रतिशत अर्थात ९८ हजार ८६५ कित्ता सेयर सामूहिक लगानी कोषका लागि छुट्याएको छ। बाँकी १८ लाख ४८ हजार १५ कित्ताका लागि सर्वसाधारणले आवेदन दिएका थिए ।

नियमअनुसार १ लाख ८४ हजार ८ सय १० जनाले १०–१० कित्ता तथा ५ जनाले ११–११ कित्ता सेयर पाउनेछन् । अर्थात् हरेक ११ जनामध्ये १ जनाले १० कित्ता सेयर पाउनेछन् ।

यो आईपीओलाई इक्रा नेपालले ‘इक्रा आइआर बीबीबी माइनस’ रेटिङ प्रदान गरेको छ । ४१ करोड ६ लाख ७० हजार रुपैयाँ चुक्ता पुँजी रहेको कम्पनीले पुँजीको ३२.५० प्रतिशत आईपीओ निष्काशन गरेको हो ।

आईपीओ निष्काशनपछि संस्थाको चुक्ता पुँजी ६० करोड ३७ लाख ४० हजार रुपैयाँ पुग्ने छ । संस्थाको जगेडा कोषमा १ अर्ब १८ करोड ३९ लाख रुपैयाँ रहेको छ ।

कुल निष्काशनमध्ये ३० हजार ४२० कित्ता कर्मचारीलाई र ९८ हजार ८६५ कित्ता सामूहिक लगानी कोषलाई छुट्याइएको हो ।

प्रतिक्रिया दिनुहोस !
सम्बन्धित खबरहरु

काठमाडौं : नेपाल आयल निगमले पेट्रोलियम पदार्थको मूल्य वृद्धि गरेको छ। शनिबार राति १२ बजेदेखि लागु हुनेगरी निगमले पेट्रोल, डिजेल

काठमाडौं : काठमाडौं महानगरपालिकामा पाँच वडाको मतगणना जारी छ। वडा नम्बर ३२, १, २, ३, ४ को मतगणनामा स्वतन्त्र उम्मेदवार

काठमाडौं- काठमाडौं महानगरपालिकामा स्वतन्त्रतर्फका उम्मेदवार बालेन शाहले अग्रता बनाइरहेका छन्। शनिबार राति पौने ११ बजे महानगरपालिकाको निर्वाचन समितिले दिएको जानकारी

काठमाडौं । काठमाडौं महानगरपालिकाको मेयरमा स्वतन्त्र उमेदवार बालेन शाहले अग्रता कायम राखेका छन् । २६८२ मतगणना हुँदा जारी मतगणनाको परिणाम