Lifestyle Portal
  •   ६ आश्विन २०७८, बुधबार

विश्वासको मत जितेका प्रधानमन्त्री देउबालाई भारतीय प्रधानमन्त्री नरेन्द्र मोदीले दिए बधाई

४ श्रावण २०७८, सोमबार ०६:१७

काठमाण्डौ । विश्वासको मतका लागि नेपाली काँग्रेसका सभापती तथा प्रधानमन्त्री देउबाले कुल २७५ भोट मध्यबाट १६५ बहुमत भोट प्राप्त गर्नुभएको छ । मतदान प्रक्रियामा कुल २४९ सांसदहरु सहभागी भएका थिए । जसमध्येका १६५ भोट प्रधानमन्त्री देउबाको पक्षमा खसेको थियो । जसबाहेक केवल ८३ भोट उनको विरुद्ध खसेको थियो । नेपाली काँग्रेस, नकपा माओवादी केन्द्र तथा जनता समाजवादी पार्टी-नेपालका सांसदहरुले देउबाको पक्षमा आफ्नो मत जाहेर गरेका थिए ।

प्रधानमन्त्री देउबाले जनताको संसदबाट जनादेश स्वरुप विश्वासको मत प्राप्त गरेसँगै छिमेकी देश भारतका प्रधानमन्त्री नरेन्द्र मोदीले राती १० बजे ट्वीट गर्दै नवनियुक्त प्रधानमन्त्री शेरबहादुर देउबालाई बधाई ज्ञापन गर्नुभएको छ ।

प्रेसित ट्वीटमा लेखिएको छः “प्रधानमन्त्री @DeubaSherbdr लाई बधाई तथा उनको सफल कार्यकालका लागि शुभकामना । म सभी क्षेत्रहरुमा सृजनात्मक साझेदारीलाई अगाडी बढाउनका लागि, तपाईंसँग काम गर्न तथा त्यहाँका नागरिकका साथ हाम्रो गहिरो सम्बन्धलाई मजबूत गर्न म तत्तपर छु ।”

नेपाली काँग्रेसका सभापती ७५ वर्षीय देउबाले राष्ट्रपति विद्यादेवी भण्डारीद्वारा अषाढ २९ गते प्रधानमन्त्री पदको शपथ लिनुभएको थियो । यसको एक दिन अघि सर्वोच्च अदालतका प्रधान न्यायाधीश चोलेन्द्र शमशेर राणाको अध्यक्षता रहेको संवैधानीक इजलासले ५ महिना अघि विघटित संसदको तल्लो सदन प्रतिनिधिसभालाई पुनर्स्थापना गर्ने आदेश दिएको थियो । अदालतले ओली सरकारले प्रतिनीधिसभा विघटनबारे लिएको निर्णयलाई असंवैधानिक घोषणा गर्दै प्रतिपक्षमा रहेको नेपाली काँग्रसका सभापती शेरबहादुर देउबालाई प्रधानमन्त्रीमा नियुक्त गर्न परमादेश जारी गरेको थियो ।

प्रतिक्रिया दिनुहोस !
Loading comments...
सम्बन्धित खबरहरु

काठमाण्डौ । बिपि कोईराला क्यान्सर अस्पताल भरतपुरका तत्कालिन कार्यकारी निर्देशक डा. भक्तमान श्रेष्ठको अपहरणमा संलग्न फरार प्रतिवादी नुवाकोट बिदुर नगरपालिका-१२

नेपालमा ज्यादै चल्ने विचारहरू मध्ये बामपन्थी बिचार पनि एक हो। अर्को शब्दमा भन्ने हो भने यो विचार अहिले अग्रपङ्कतिमा छ।

प्राकृतिक चिजबिजहरु प्रयोग गरि गरिने घरेलू उपचार यस्तो उपचार हो जुन घर मैं सजिलै उपलब्ध सामाग्रीहरुबाट तयार हुन्छ । जस्तो

काठमाण्डौ । पहिलो खेलमा फिलिपिन्सविरुद्ध हार ब्यहोरेको नेपालले एएफसी महिला एसियन कप–२०२२ छनोटको दोस्रो खेलमा आज (मंगलबार) हङकङविरुद्ध खेल्दैछ ।