विश्व संस्कृत दिवसको अवसर पारी नेपाल भारत सुसंस्कृत सभ्यताको चर्चा तथा आधूनिक यूगमा संस्कृतको महत्व सन्दर्भमा अन्तर्राष्ट्रिय संगोष्ठी सम्पन्न भएको छ । काठमाण्डौ लैनचौरस्थित भारतीय दूतावासमा रहेको “स्वामि विवेकानन्द सांस्कृतिक केन्द्र”, नेपाल संस्कृत विश्वविद्यालयको संयुक्त त्तवाधानमा “संस्कृतम् : पूर्वीय-संस्कृते : स्रोत : अन्तर्राष्ट्रिय संगोष्ठी” संचालन भएको थियो ।

वेदहरु तथा भाषाहरुको पनि भाषा र पूर्वीय संस्कृतिको स्रोत संस्कृतको प्रवर्द्धनार्थ आयोजित उक्त संगोष्ठीमा नेपालका लागि भारतीय राजदूत विनय महोन क्वात्रासहित नेपाल तथा भारतका विद्वानहरुको सहभागीता रहेको थियो । शताब्दी पुरुष श्री सत्यमोहन जोशी, पद्मश्री श्री चमू कृष्ण शास्त्री तथा नेपाल, भारत, अमेरीका, बेलायत लगायतका देशहरुका विख्यात विद्वानहरुको उपस्थितबिच वहाँहरुको विचार विमर्शपछि कार्यक्रम सम्पन्न भएको थियो ।