धनुषामा ससुरा-बुहारीको शव गाडिएको अवस्थामा फेला पर्यो, एक पक्राउ

जनकपुरधाम । धनुषाको मिथिला बिहारी नगरपालिकामा ससुरा र बुहारीको हत्या गरी सँगै गाडिएको अवस्थामा फेला परेको छ । मिथिला नगरपालिका वडा नम्बर ५ ललियामा ससुरा र बुहारीको शव गाडिएको अवस्थामा फेला परेको प्रहरीले जनाएको छ ।

सो शवहरु स्थानीय चेता भन्ने ५५ वर्षिय रामवृक्ष मण्डल र उनको बुहारी २१ वर्षिया अमृता मण्डलको रहेको जिल्ला प्रहरी कार्यालयका प्रहरी नायब उपरीक्षक जितेन्द्र बस्नेतले जानकारी दिए । मृतक महिला भागेश्वर मण्डलको श्रीमती हुन् । प्रहरीका अनुसार अहिले शव उत्खननको कार्य भइरहेको छ ।

मृतक दुवै जना वेपत्ता रहेको गाउँलेहरुले थाहा पाएपछि खोजी गर्ने क्रममा शव गाडिएको अवस्थामा फेला परेको हो ।

यता उनीहरुको हत्यामा संलग्न रहेको आशंकामा मृतक महिलाका पति ३० वर्षिय भागेश्वर मण्डललाई पक्राउ गरिएको प्रहरी नायब उपरीक्षक बस्नेतले जानकारी दिए ।

न्यूज कारखानाको सहयोगमा