Lifestyle Portal
  •   ८ कार्तिक २०७८, सोमबार

अनुदानको मल निजी पसलमा बिक्री

११ भाद्र २०७८, शुक्रबार १२:०४

कपिलवस्तु । सरकारले अनुदानमा उपलब्ध गराएकाे रासायनिक मल एग्रोभेट र किराना पसलमा बिक्री भइरहेकाे पाइएकाे छ । बाणगंगा नगरपालिकाले बजार अनुगमनका क्रममा अनुदानको मल व्यापारीसँग पुगेको भेटिएको हाे । कृषकलाई सस्तो मूल्यमा मल बेच्नका लागि स्थानीय सरकारमार्फत सहकारी संस्थाले जिम्मा पाएका हुन् ।

कालोबजारी नियन्त्रणका लागि नेपाल सरकारले स्थानीय सरकारमार्फत मलकाे व्यवस्थापन गरे पनि कालाेबजारी नराेकिएकाे पाइएकाे छ । नगरपालिकाको अनुगमनटोलीले वडा नम्बर २ को अधिकारी एग्रोभेटमा ४ बोरा, वडा नम्बर ४ को अनुप किसान भेट सेन्टरमा ६ बोरा र वडा नम्बर ९ को आदर्श गल्ला भण्डारमा ७ बोरा मल फेला परेको छ ।

अनुगमन टोलीले फेला परेको १७ बोरा अनुदानको मल जफत गरेको छ । आदर्श गल्ला भण्डार गत वर्ष पनि मल कालोबजारी गर्दा समातिएको थियो । कृषकहरूले पाउने अनुदानको मल सहकारीहरूको बदमासिका कारण एग्रोभेट र किराना पसलमा भेट्नु गैरकानुनी काम भएको लेष बहादुर केसीले बताए । मलको दुरुपयोग गर्ने सहकारीको पहिचान गरी खारेजीको प्रक्रिया अगाडि बढाइने बाणगंगा नगरपालिकाका उप-प्रमुख चक्रपाणि अर्यालले बताए ।

अनुमतिबिना किसानले पाउने अनुदानको मल बिक्री वितरण गरेकोले ति पसललाई मल बेच्न बन्द गर्ने अनुगमन टोलीले चेतावनी दिइएको छ । नगरमा सञ्चालित पसलमा कुनै मापदण्ड पुरा भएको नदेखिएको, सञ्चालन भएको ठाउँ पनि निकै फोहर र दुर्गन्धित रहेकाले तुरुन्त बन्दको लागि १५ दिने चेतावनी पत्र थमाइएको छ ।

गत वर्ष पनि आदर्श गल्ला भण्डारमा अनुमतिबिना मल बिक्री गरेकाे पाइएपछि नगरपालिकाले जरिवाना गराएको थियो । अनुगमन टोलीले १५ दिनभित्र छड्के अनुगमन गर्दा पनि त्यस्तै भेटिए सो गल्ला भण्डारलाई सिल गरिने चेतावनी दिएको छ ।

स्थानीय सरकार सञ्चालन ऐन २०७४ बमोजिम नेपाल सरकारबाट तोकिएको निकायबाट अनुमति लिई बाणगंगा नगरपालिकाको क्षेत्रभित्र जुनसुकै कारोबार गर्ने व्यक्ति वा संस्थाले व्यवसाय-कारोबार सञ्चालन गरेबापत नगरपालिकामासमेत सूचिकृत-दर्ता भई नगरसभाबाट तोकिएको दररेटको अधिनमा रही वार्षिक व्यवसाय कर बुझाउनु पर्ने कानुनी व्यवस्था रहेको छ ।

प्रतिक्रिया दिनुहोस !
Loading comments...
सम्बन्धित खबरहरु

हाल नेपालको मध्य भाग आसपास अवस्थित न्यून चापिय क्षेत्रको सामान्य प्रभाव रहेको छ। देशभर आंशिक देखि सामान्य बदली रही बागमती

भारत सरकारको सहयोगमा निर्माण भएको जयनगर–कुर्था सीमापार रेलमार्ग भारतले एक समारोहबीच आज नेपाल सरकारलाई हस्तान्तरण गरेको छ । उक्त समारोहमा

हाल भारतको बिहार र उत्तर प्रदेश आसपास रहेका न्यून चापिय प्रणालीहरु र पश्चिमी वायु प्रणालीको संयुक्त प्रभाव नेपालमा रहेको छ

हाल बंगालको खाडिमा र मध्य भारतमा रहेका (उत्तरतिर सर्दै गरेको) न्यून चापिय प्रणालीहरु र पश्चिमी वायु प्रणालीको संयुक्त प्रभाव नेपालमा