Lifestyle Portal
  •   ३० आश्विन २०७८, शनिबार

सन्तानलाभका लागि डाक्टरसँग मिति लिंदालिंदै जब नानुकलालाई बेथा लाग्यो

१२ भाद्र २०७८, शनिबार २१:३५

लोकप्रिय

काठमाडौं, न्यूजकारखाना । सामान्यतया सन्तान प्राप्तिको अवधि ९ महिना हुन्छ । आमा गर्भवती भएको ९ महिनामा बच्चालाई जन्म दिन्छिन् । तर यो औसत समय सबैमा लागु हुँदैन । कोहीले ८ महिनामै त कोहीले ९ महिना पनि कटाउँछन् । फेरि हाम्रो नेपाली समाजमा सन्तान प्राप्तिका लागि शुभ साइत हेर्ने चलन पनि छ । खासगरी चिकित्सा सहयोगमा सन्तान प्राप्त गर्ने अवस्थामा साइत हेर्ने चलन छ ।

राष्ट्रिय गानका रचनाकार प्रदीपकुमार राई (व्याकुल माइला) दम्पतीले पनि सन्तान प्राप्तिको चरणमा साइत हेर्‍यो । गर्भवती श्रीमती नानुकलाको सल्लाहमा माइलाले ज्योतिषसँग साइत हेराउँदा १४ भदौ सोमवार विहान ७ देखि ९ बजेको तिथिमिति तय भयो । पाटन अस्पतालमा १४ गते अप्रेशन गर्ने मनिस्थिति माइला दम्पती बनायो । सोही अनुसार १० गते नियमित फ्लोअप रिपोर्ट पनि हेरियो । डाक्टर पवन शर्माले १३ गते अपरेशन तय गरे ।

तर जन्म र मृत्यु मनुष्य वा चिकित्सकको हातमा कहाँ छ र । यो त दैवको लिला हो । नियमित फ्लोअपका क्रममा गर्भवती नानुकलाले आफ्नो असहज अवस्थाबारे जानकारी गराएपछि डाक्टर शर्माले जोखिम लिन नसकिने भन्दै विशेष निगरानी (अब्जर्वेशन)मा राखे । निगरानीका क्रममा त्यहीँ दिन (१० भदौ) अप्रेशन गर्नुपर्ने भयो । यसअनुरूप अपरेशन थियटर (ओटी) को पालो पर्खिदा पर्खिंदै पुत्रीका रुपमा नयाँ सन्ततिको जन्म बेलुका ८ बजेर २० मिनेटमा भयो । आमा ओटीबाट करिब १० बजेतिर रिकभरी वार्डमा सिफ्ट भइन् ।

‘मानिस जन्मिनुपर्ने दिन र समय आफ्नै हुँदोरहेछ,’ साइत नफापेपछि माइलाले भनेका छन्, ‘प्रतिक्षारत् हाम्रो नयाँ सन्ततिको जन्म आफ्नै समयमा भयो ।’

माइलाका अनुसार अहिले आमा र नवजात शिशुको स्वास्थ्य अवस्था राम्रो छ । ‘व्यग्र प्रतिक्षाको घडी सकिएर नवजात शिशु हाम्री प्यारी सानी छोरी हामीले पहिलोपटक देख्न पाएको क्षण’ भन्दै माइलाले शिशुको तस्विर शेयर गरेका छन् ।

माइलाले अगाडि भनेका छन्, ‘उनको आमाको गर्भमा घुन्टुङ घुन्टुङ चल्न थालेपछि मैले बोलाउने गरेको उनको नाम ‘घुन्टुङ’ हो । न्वारानको लागि उपयुक्त नाम सोचिँदै गरेको अवस्था । अर्थपूर्ण र छोटो । त्यस्तो भेटिए जानकारी पाऊँ हजुर हो ।’

प्रतिक्रिया दिनुहोस !
Loading comments...
सम्बन्धित खबरहरु

माल्दिभ्सको राष्ट्रिय फुटबल स्टेडियममा सम्पन्न साफ च्याम्पियनसीपको १३ संस्करणको उपाधीमाथी भारतले कब्जा गरेको छ । यससँगै भारतले ८औं पटक यस

भारतले ४९ तथा ५० मिनेटको समयान्तरमा गरेको दुई गोल लगत्तै नेपालका तर्फबाट चारजना खेलाडीलाई परिवर्तन गरिएको छ । नेपालका तर्फबाट

पहिलो हाफको ४९ मिनेटमा भारतका कफ्तान सुनिल क्षेत्रीले पहिलो गोल गरे भने लगत्तै मिड फिल्डर सुनिल सिंह वाङजेमले ५० औं

माल्दिभ्सको राष्ट्रिय फुटबल स्टेडियममा साफ च्याम्पियनसीपको जारी १३ संस्करणको उपाधीका लागि नेपाल तथा भारतको फाईनल खेलको पहिलो हाफ गोलरहित बराबरीमा