Lifestyle Portal
  •   ६ आश्विन २०७८, बुधबार

द्वन्द्वमा बेपत्ता भएकाहरूको अवस्था सार्वजनिक गर्न माग

१५ भाद्र २०७८, मंगलवार ११:००

जनकपुरधाम । नेकपा माओवादीको १० वर्षे सशस्त्र द्वन्द्वको समयमा राज्य तथा माओवादीद्वारा बेपत्ता पारिएकाहरूको अवस्था सार्वजनिक गर्न माग गर्दै पीडित परिवारले धनुषाका प्रमुख जिल्ला अधिकारीलाई ज्ञापनपत्र बुझाएका छन् ।

बेपत्ता दिवसको अवसरमा माओवादी सशस्त्र द्वन्द्वका बेला धनुषाबाट बेपत्ता बनाइएकाहरूको अवस्था सार्वजनिक गर्न प्रमुख जिल्ला अधिकारी बन्धुप्रसाद बाँस्तोलालाई ज्ञापनपत्र बुझाएका हुन् । आज सार्वजनिक बिदा भए पनि प्रमुख जिल्ला अधिकारी बाँस्तोलाले ज्ञापनपत्र बुझेका छन् ।

सशस्त्र द्वन्द्व समाप्त भएको लामो समय भइसकेको, मुलुक संघीयतामा गएको तथा प्रदेश सरकार गठन भएको ४ वर्ष भइसक्दा पनि अहिलेसम्म बेपत्ताको अवस्था सार्वजनिक नगरिएकामा उनीहरूको गुनासो छ । संघीय सरकारलाई करिब डेढ दशकभन्दा बढी समयदेखि ज्ञापनपत्र दिएर अवस्था सार्वजनिक गर्नका लागि माग गरे पनि बेवास्ता हुँदै आएको पीडितहरूको भनाइ छ ।

पीडित परिवारले राज्यबाट १० लाख रुपैयाँ बुझ्नेबाहेक केही नभएको र राज्यले उनीहरूको अवस्था सार्वजनिक गर्न गंभीरता नदेखाएको बेपत्ता परिवारका सदस्य प्रकाश यादवले आरोप लगाए ।

धनुषाबाट द्वन्द्वका क्रममा १६ जना बेपत्ता भएका थिए, जसमध्ये धनुषाको गोदारमा शव उत्खनन गर्ने क्रममा ५ जनाको शव भेटिएको थियो । ११ जनाको अवस्था अझै अज्ञात नै रहेको छ । न्यूजकारखाना

प्रतिक्रिया दिनुहोस !
Loading comments...
सम्बन्धित खबरहरु

वीरेन्द्र रमण/जनकपुरधाम । मिथिलाको पौराणिककालदेखि व्यक्तिहरूको मनोरञ्जनको साधनको रूपमा रहेको लोकबाजाहरू विस्तारै लोप हुन थालेको छ । लोकबाजाहरू लोप हुन

काठमाण्डौ । १० वर्ष चलेको सशस्त्र द्वन्द्वमा तत्कालीन राज्य र विद्रोही पक्षद्वारा विभिन्न बहानामा जबर्जस्ती बेपत्ता पारिएका नागरिकहरूको यथार्थ अवस्था

सामाजिक सञ्जाल र खास गरेर फेसबुक भनेको त फोटोहरूकै खात हो । यसमा विचारभन्दा बढी फोटो आउनु नै यसको विशेषता

सागर बेल्बासे, साैरभ न्याैपाने- देशको राजनितिमा विधि र नियतको प्रश्न उठ्नु नौलो विषय होइन । हरेक सरकारका बिपक्षी, शुभचिन्तक बौद्धिक