Lifestyle Portal
  •   १० जेष्ठ २०७९, मंगलवार
Shankar Pokhrel

कुर्सीको लोभले पार्टीभित्रैकाले सरकार ढाले : शंकर पोखरेल

१९ भाद्र २०७८, शनिबार २३:०१

दाङ । नेकपा एमाले स्थायी कमिटी सदस्य तथा लुम्बिनी प्रदेशका निवर्तमान मुख्यमन्त्री शंकर पोख्ररेलले नेकपा एमाले भित्रका केही नेतालाई कुर्सीको लोभले सरकार ढालेको बताएका छन् । उनले पार्टी भित्रैबाट नेताहरू कुर्सीको लोभमा पर्दा एमाले विभाजनको अवस्थासम्म पुगेको बताए ।

पार्टी बनायौं भन्नेहरूकै असहयोगले केपी शर्मा ओली नेतृत्वको सरकार ढलेको आरोप लगाए । ‘पार्टी फुटाएर उहाँहरूले कांग्रेस नेतृत्वको सरकारलाई सहयोग गरिराख्नु भएको छ। सरकारले पनि एमाले र जसपा फुटाउनकै लागि अध्यादेश ल्यायो। तर, यो अध्यादेश लामो समयसम्म टिक्दैन। र, टिक्यो भने पनि स्वयं कांग्रेस र माओवादी केन्द्रलाई समेत हानी गर्छ’, उनले भने ।

राजनीतिक स्वार्थ र एमाले टुक्राउन गरिएको षडयन्त धेरै लामो समय नटिक्ने नेता पोखरेलको दाबी छ । जनता र संसदबाट प्रधानमन्त्री बन्ने प्रावधान विपरित परमादेशबाट बनेको सरकारले जनताको हितमा कुनै काम नगर्ने ठोकुवा समेत गरे । ओलीले ताजा जनादेशका लागि गरेका प्रयासहरू राम्रा भए पनि परमादेश बाधक बनेको उनले बताए ।

देउवा सरकारले एमाले फुटाएर आफूले राजगर्न खोजेको उनको आरोप छ । ‘एमाले मात्रै फुट्दैन । दल सम्बन्धी अध्यादेशले निकट भविश्यमा कांग्रेस र माओवादीलाई पनि असर गर्ने छ’, उनले भने ।

प्रतिक्रिया दिनुहोस !
सम्बन्धित खबरहरु

मतगणनाको पहिलो दिन थियो । सबै मतपेटिका सभा गृहमा ल्याइ सकिएको थियो । र, मतगणनाका लागि नियम बनाउन तथा सबै

वीरगञ्जको कायापलट गर्ने सपना पहिलो चरणमा सार्थक भएको आभाष गरेको छु । सपनालाई सार्थक बनाउने श्रेय म सम्पूर्ण वीरगञ्ज महानगरकावासी,

काठमाडौं महानगरको मेयर पदका लागि लौरो चिन्ह लिएर स्वतन्त्र उम्मेदवारी दिएका बालेन साह दुवै प्रतिद्वन्द्धिहरुविरुद्ध आज विहानसम्म पनि अत्याधिक मतले

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा