Lifestyle Portal
  •   ७ आश्विन २०७८, बिहीबार

यस दुर्लभ संयोगमा गर्नुहोस् यस वर्षको हरतालिका तीज पूजा, शुभ साइत तथा पूजा विधि

२३ भाद्र २०७८, बुधबार ०५:३०

पण्डित पुरुषोत्तम अधिकारी । ‘हरतालिका तीज’को महत्व महिलाजनमा पवित्र आस्थाले भरिएको छ । श्रीमान तथा सन्तानको दीर्घायु तथा आरोग्यताका लागि हरतालिका तीजका दिन महिलाहरु निर्जला व्रत (पानी समेत नपिएर) बस्नेगर्दछन् । यस पटक हरतालिका तीज व्रतका दिन एउटा दुर्लभ संयोग बनेको छ ।

 

पण्डित पुरुषोत्तम अधिकारी

‘हरतालिका तीज’ व्रत, वैदिक सनातन हिन्दू संस्कार अथवा आस्थाका महिलाहरुले यस निर्जला व्रतलाई अखण्ड सौभाग्यको पर्वको रुपमा विशेष स्थानमा राखेका छन् । यस दिन महिलाहरु निर्जला व्रत राखेर आफ्नो श्रीमान तथा सन्तानको लामो आयू तथा उनीहरुको सुखी जीवन तथा आरोग्यताको आशिर्वाद कामना गर्दछन् । हिन्दू पञ्चाङका अनुसार हरतालिका तीज व्रत भाद्रपद महिनाको शुक्लपक्षको तृतीया तिथिका दिन लिने गरिन्छ । यस वर्ष २०७८/भाद्र/२४ अर्थात सन् 2021 September, 9 का दिन हरतालिका तीज पर्व परेको छ ।

विवाह योग्य कन्याहरुले सुयोग्य श्रीमान (पति, वर, जीवनसाथी) को कामना राखेर पनि हरतालिका तीजको व्रत राख्ने गर्दछन् । हरतालिका तीज व्रतका दिन माता पार्वती, आदिदेव भगवान शिव तथा मंगलमुर्ती श्रीगणेशको आराधना गर्ने गरिन्छ । हरतालिका तीज व्रतका दिन विशेषतः काठमाण्डौको पशुपतिनाथ लगायत देशभरका महादेव मन्दिरहरुमा पूजा-पाठ, आराधना गरी दर्शन गर्ने गरिन्छ । हरतालिका तीज व्रतका लागि केही दिन अगावै नयाँ कपडा, फलफूल, स्वादिष्ट मिष्ठान, सौभाग्यको सामग्री आदी विवाहित छोरी-चेलीहरुको घर पठाउने चलन रहि आएको छ ।

हरतालिका तीज व्रत: शुभ साइत
पञ्चाङका अनुसार, भाद्रपदको शुक्लपक्षको तृतीया तिथि भाद्र २४ गते ९ सेप्टेम्बर बुधवार २४ गते बिहान ४ बजेर ३ मिनेटबाट सुरु भएर राति २ बजेर १८ सम्म तृतीया तिथी रहनेछ । त्यसपछि चौथी तिथी प्रारम्भ हुनेछ । धर्म शास्त्रिहरुका अनुसार चतुर्थी तिथिबाट युक्त तृतीया तिथिले ‘वैधव्यदोष’ नाश गर्दछ तथा तिथीको यस योगले पुत्र-पौत्रादि (सन्तानवृद्धि) को सम्भावना बढाउँदछ ।

हरतालिका तीज व्रतका दिन ‘रवि योग’को छ दुर्लभ संयोग
माता पार्वतीको कृपाबाट भगवान शिवलाई प्रसन्न गर्ने पर्व हो हरतालिका तीज व्रत । यो व्रत हरेक वर्ष भाद्र शुक्ल तृतीया तिथिका दिन मनाउने गरिन्छ । यस पटक हरतालिका तीज व्रतका दिन करीब १४ वर्ष पछि ‘रवि योग’को दुर्लभ संयोग परेको छ ।

शुभ साइत
हरितालिका तीज व्रतको प्रदोष पूजाको शुभ साइत साँझ ६ बजेर १४ मिनेटदेखि राति ७ बजेर ५४ मिनेटसम्म रहेको छ । साँझ ५ बजेर १८ मिनेटबाट रवियोगको दुर्लभ संयोग प्राप्त हुनेछ । ज्योतिषशास्त्रमा रवि योगलाई अत्यन्त ओजपूर्ण प्रभावशाली मानिएको छ । रवि योगबाट कैंयन अशुभ योग निष्प्रभावी हुने मान्यता रही आएको छ ।

अविवाहित कन्याले यदि रवि योगमा शिव-पार्वतीको पूजा-पाठ, ध्यान, आराधना गरेमा विवाहमा सम्भावित सबै बाधा-अड्चनहरु आफै कमजोर भई वातावरण सहज बनाएर वैवाहिक जीवन सुखमय हुन थाल्छ ।


यो पनि पढ्नुहोस्ः हरतालिका तीजः तपाईं पनि यदि व्रत लिंदैहुनुहुन्छ यि कुराहरु उपयोगी हुन सक्छन्

प्रतिक्रिया दिनुहोस !
Loading comments...
सम्बन्धित खबरहरु

काठमाण्डौ । बिपि कोईराला क्यान्सर अस्पताल भरतपुरका तत्कालिन कार्यकारी निर्देशक डा. भक्तमान श्रेष्ठको अपहरणमा संलग्न फरार प्रतिवादी नुवाकोट बिदुर नगरपालिका-१२

नेपालमा ज्यादै चल्ने विचारहरू मध्ये बामपन्थी बिचार पनि एक हो। अर्को शब्दमा भन्ने हो भने यो विचार अहिले अग्रपङ्कतिमा छ।

प्राकृतिक चिजबिजहरु प्रयोग गरि गरिने घरेलू उपचार यस्तो उपचार हो जुन घर मैं सजिलै उपलब्ध सामाग्रीहरुबाट तयार हुन्छ । जस्तो

काठमाण्डौ । पहिलो खेलमा फिलिपिन्सविरुद्ध हार ब्यहोरेको नेपालले एएफसी महिला एसियन कप–२०२२ छनोटको दोस्रो खेलमा आज (मंगलबार) हङकङविरुद्ध खेल्दैछ ।