नेपाल आइडलको ग्रान्ड फिनाले आज

काठमाडौं । केही हप्ता अघिमात्र द भ्वाइस अफ नेपालको फिनाले भएको थियो । जसबाट सि.डि.बिजय अधिकारी पहिलो द भ्वाइस अफ नेपाल बन्न सफल भए । त्यसैगरी अर्को सांगितिक रियालिटि शो नेपाल आइडल सिजन २ को ग्रान्ड फिनाले आज शुक्रबार पुल्चोक इन्जिनियरिङ्ग क्याम्पसको मैदानमा हुँन गइरहेको छ । पहिलो संस्करण कतारमा गरिएको थियो, त्यस समयमा प्राविधिक समस्याले लाइभ हेर्न पाइएको थिएन । तर आजको फाइनल एपि वान, युटुवबाट एकैसाथ प्रत्यक्ष प्रसारण हुनेछ । पहिलो नेपाल आइडल पोखराका बुद्ध लामा भएका थिए ।

उपाधिको लागि बिक्रम बराल, सुमित पाठक, अस्मिता अधिकारी र रवि ओड फाइनलमा पुगेका छन् । दर्शकहरुको भोटको आधारमा आज दोस्रो नेपाल आइडल छानिनेछन् । देशका विभिन्न ठाँउमा आफनो मनपर्ने प्रतिस्पर्धीलाई जिताउन विभिन्न अभियानहरु सञ्चालन भएका छन् । को बन्ला त दोस्रो नेपाल आइडल निकै अत्सुकताको विषय बनेको छ । सामाजिक सञ्जालमा पनि नेपाल आइडलको आजको फाइनलको लागि लिएर निकै अनुमानहरु गर्न थालिएको छ । हेरौ कस्ले प्राप्त गर्नेछन दर्शकहरुको अत्यधिक साथ । ग्रान्ड फिनालेको सफलताको लागि नेपाल आइडल परिवारलाई शुभकामना ।