Lifestyle Portal
  •   ११ जेष्ठ २०७९, बुधबार

कांग्रेस अधिवेशन, ओखलढुंगा : गाउँमा सहमति, पालिका र जिल्लामा गुटगत प्रतिस्पर्धा

२८ भाद्र २०७८, सोमबार २२:३४

ओखलढुंगा । नेपाली कांग्रेसको वडा अधिवेशन सकिएपछि पालिका र जिल्ला नेतृत्वमा नेताहरूको ध्यान गएको छ । जिल्ला तथा पालिका नेतृत्वमा दुई गुटबीच नेतृत्वका लागि होडबाजी छ । वडा अधिवेशनमा क्षेत्रीय प्रतिनिधीसहित ७५ मध्ये ७३ वडामा सहमतिमै नेतृत्व चुनिएको थियो ।

पालिका तहमा आइपुग्दा कांग्रेसको संस्थापन र पौडल–कोइराला समूहबीच प्रतिपर्धा छ । दुई समूहका प्यानलै उम्मेदवार तयार भएका छन् । जिल्लाका आठै स्थानीय तहमा प्यानल बन्ने निश्चित छ ।

नेतृत्व लिन चाहाने धेरै भएकाले दुई पक्षीय निर्वाचन स्वभाविक भएको चिशंखुगढी गाउँपालिकाका सभापतिका उम्मेदवार गोपालमान थापा बताउँछन् । उनी संस्थापन पक्षका उम्मेदवार हुन् । अर्को समूहले पनि थापाको काउन्टरमा उम्मेदवार खडा गरेको छ ।

जिल्ला र पालिका तहको निर्वाचनमा टिमबाहिरबाट चुनाव लड्दा कुनै नेताको पनि जित्ने अवस्था नहुने प्रेस युनियनका जिल्ला अध्यक्ष जीवन शर्मा बताउँछन् ।

जिल्ला नेतृत्वका लागि दुई पक्षबीच प्रतिस्पर्धा हुने

जिल्लाको नेतृत्वका लागि पनि दुई गुटबीच प्रतिस्पर्धा हुने पक्का जस्तै छ । सुरुमा चार जनाले दाबी गरे पनि निर्वाचनमा जाँदा दुई जनाले उम्मेदवारी घोषणा गरेका छन् । वर्तमान उपसभापति तेजेन्द्र खनाल र यस अघिका सभापितका प्रत्यासी बालकृष्ण दाहालबीच निर्वाचन हुने पक्का जस्तै बनेको हो ।

खनाल संस्थापन र दाहाल पौडल–कोइराला पक्षका उम्मेदवार हुन् । जिल्लामा विगत देखिनै दुई समूहबीच निर्वाचन हुँदै आएको छ । अघिल्ला दुई निर्वाचनमा देउवा समूहका प्रदिप कुमार सुनुवार दुई कार्यकाल सभापित भए । सुनुवारसँग पराजित दाहाल नेतृत्व हात पार्न दौडमा छन्, भने सभापित सुनुवार आफ्नो समूहका नेता तेजेन्द्र खनाललाई नेतृत्व हस्तान्तरण गर्न चाहान्छन् ।

दुबै समूहका नेताहरूले आफ्नो पक्षमा क्षेत्रीय प्रतिनिधि पार्न पहल गरिरहेका छन् । वडाबाट निर्वाचित प्रतिनिधिहरूको मतदानबाट सभापति तथा पदाधिकारी निर्वाचित हुने प्रावधान छ । सबै पदमा उम्मेदवारी दिएर चिर्वाचन लड्ने पक्षमा दुबै समूह छन् । जिल्लामा झण्डै १ हजार ५ सय प्रतिनिधि निर्वाचित भएका छन् ।

अहिले नेताहरू कसका पक्षमा कति प्रतिनिधि छन्, कसलाई कसरी आफ्नो पक्षमा पार्न सकिन्छ भन्ने कसरतमा छन् । ‘प्रतिनिधि निर्वाचितको अवस्था राम्रो छ, व्यवस्थापन सहि गर्न सकिएमा चुनावि जितिन्छ,’ दाहाल खेमाकी नेतृ गोमा केशीले भनिन् । गिरीजाप्रसाद कोइराला प्रधानमन्त्री हुँदा सचिवालयमा बसेका नेता दाहाल दुई पटक संसदीय निर्वाचनमा भने पराजित भएका थिए । उनीप्रति सबैको सहानुभूति रहेको युवा नेता सन्तोष दाहाल बताउँछन् ।

जिल्लामा तुलनात्मक रूपमा संस्थापन पक्ष बलियो देखिन्छ । खनालको पक्षमा सुरुमा नेताहरू नखुले पनि जिल्ला सचिवहरू नबराज केसी र रुद्रप्रसाद अधिकारीको समर्थन रहने भएको छ । केसी खुलेर लागेका छन् भने अधिकारी आफैले सभापति दाबी गरे पनि अन्तमा खनालको पक्षमा खुल्ने नेताहरू बताउँछन् ।

जिल्लामा बसेर काम गरेको र कार्यकर्ताहरूको चाहाना पनि युवा पुस्तामा नेतृत्व आउनु पर्ने भएकाले आफूले निर्वाचन जित्ने खनालले बताए । सभापितमा निर्वाचित हुन ५१ प्रतिशत मत प्राप्त गर्नुपर्छ ।

तटस्थ जस्तो देखिने संविधान सभा सदस्य रामहरि खतिवडा पनि संस्थापन समूहमै छन् । निर्वाचनमा खनाललाई सघाउने वचन दिएको नेताहरू बताउँछन् । दाहालको पक्षमा कुमार लुईटेल गोमा केसी, टेकराज भट्टराईलगायत नेताहरू छन् ।

प्रतिक्रिया दिनुहोस !
सम्बन्धित खबरहरु

विवेकशील साझा पार्टिको अध्यक्ष पदबाट रविन्द्र मिश्रले राजिनामा दिनुभएको छ । आज सामाजिक सञ्जालमा प्रेस विज्ञप्ती जारी गर्दै मिश्रले राजिनामा

मतगणनाको पहिलो दिन थियो । सबै मतपेटिका सभा गृहमा ल्याइ सकिएको थियो । र, मतगणनाका लागि नियम बनाउन तथा सबै

वीरगञ्जको कायापलट गर्ने सपना पहिलो चरणमा सार्थक भएको आभाष गरेको छु । सपनालाई सार्थक बनाउने श्रेय म सम्पूर्ण वीरगञ्ज महानगरकावासी,

काठमाडौं महानगरको मेयर पदका लागि लौरो चिन्ह लिएर स्वतन्त्र उम्मेदवारी दिएका बालेन साह दुवै प्रतिद्वन्द्धिहरुविरुद्ध आज विहानसम्म पनि अत्याधिक मतले