Lifestyle Portal
  •   ११ कार्तिक २०७८, बिहीबार

केपी ओलीसँग सम्पर्कको प्रयास बिफल भयो : सभामुख सापकोटा

२९ भाद्र २०७८, मंगलवार ००:२९

काठमाण्डौ । प्रधानमन्त्री शेरबहादुर देउवाले गठबन्धन सरकार वार्ता, छलफल र सहमतिका लागि तयार रहेको बताएका छन् ।

सभामुख अग्निप्रसाद सापकोटाले आयोजना गरेको सर्वदलीय बैठकमा उनले सदनमा विपक्षीको सम्मान जरुरी रहेको र द्वन्द्वको विकल्पमा जानुपर्ने भएकाले वार्ता, छलफल र सहमतिका लागि गठबन्धन तयार रहेको बताएका हुन् ।

पूर्वप्रधानमन्त्री तथा नेकपा (माओवादी केन्द्र)का संसदीय दलका नेता पुष्पकमल दाहाल ‘प्रचण्ड’ले संवादबाट समाधान खोज्नुपर्ने भन्दै प्रमुख प्रतिपक्षी दल एमालेलाई छलफल र संवादमा आउन अनुरोध गरे ।

उनले अदालतको फैसला नआएको र निर्वाचन आयोगबाट निर्णय आएको सन्दर्भमा आआफ्नो दृष्टिकोण हुने भन्दै छलफल र सहमतिमा सभालाई संचालन गर्नुको विकल्प नभएको बताए ।

पूर्वप्रधानमन्त्री तथा नेकपा (एकीकृत समाजवादी)का अध्यक्ष माधवकुमार नेपालले प्रमुख प्रतिपक्ष जिम्मेवार नभएको औँल्याए । उनले प्रतिनिधिसभाप्रति पूर्वाग्रह नराख्न र लोकतान्त्रिक संस्कार प्रदर्शन गर्न एमालेलाई अनुरोध गरे ।

अध्यक्ष नेपालले संविधानको धारा ७६ (५) अन्तर्गत अदालतको फैसलाअनुसार पनि दल त्याग आकर्षित नहुने भन्दै विधि पुर्‍याएर आफ्नो पार्टी दर्ता भएको अवस्थामा अदालत र निर्वाचन आयोगको विरोध गर्नुको कुनै अर्थ नभएको दाबी गरे ।

मानवीय आवेग विस्तारै कम हुँदै जाने भन्दै असहमतिबीच सहमति खोजेर अघि बढ्न र संवाद जारी राख्न उनले सुझाव दिए ।

बैठकमा सभामुख सापकोटाले आफूले पूर्वप्रधानमन्त्री तथा नेकपा एमालेका अध्यक्ष केपी शर्मा ओलीसँग सम्पर्क गर्न प्रयत्न गरेको तर धेरै प्रयास गर्दा पनि संभव नभएको जानकारी गराए ।

उनले आफू वार्ता र छलफलबाट समस्या समाधान हुने कुरामा विश्वस्त रहेको भन्दै आजको बैठकबाट थप ऊर्जा र प्रेरणा मिलेको बताए । सभामुख सापकोटाले आगामी दिनमा संवाद र सहमतिका लागि भरमग्दुर प्रयास गर्ने प्रतिवद्धता व्यक्त गरे ।

सभामुख सापकोटाले देश र जनताको अधिकतम हित, संविधानको रक्षा र ससंसदको गरिमालाई उँचो राख्न आफूले निष्ठाका साथ लाग्ने एवं जनतालाई निराश नबनाइने समेत बताए ।

जनता समाजवादी पार्टी (जसपा)का अध्यक्ष उपेन्द्र यादवले प्रमुख प्रतिपक्षले संसद्को पक्षमा आफू रहेको कुरा पुष्टि गर्न पनि समझदारीमा आउनुपर्ने बताए । उनले हिजो संसद विघटन गर्ने आज संसद अवरोध गर्ने एउटै दल भएकाले प्रतिपक्षी दललाई यो संसदको पक्षमा नभएको देखिएको बताए ।

लोकतान्त्रिक समाजवादी दलका अध्यक्ष महन्थ ठाकुरले विगतमा पनि ५९ दिन सदन अवरुद्ध भएको तर पछि आपसी छलफलबाट सदन संचालन भएको स्मरण गर्नुहुँदै प्रमुख प्रतिपक्ष दललाई विश्वासमा लिएर अघि बढ्न सुझाव दिए ।

प्रतिनिधिसभामा प्रमुख प्रतिपक्षी दलको असहमतिका कारण उत्पन्न गतिरोध अन्त्य गरी सदन संचालन गर्न र विधायिकी कार्य अघि बढाउने उद्देश्यले सभामुखले आज सर्वदलीय बैठक राखेका थिए । न्युजकारखाना

प्रतिक्रिया दिनुहोस !
Loading comments...
सम्बन्धित खबरहरु

काठमाडौ – राष्ट्रिय प्रजातन्त्र पार्टीका अध्यक्ष कमल थापाले रवीन्द्र मिश्रसँग तालमेल गर्ने सम्भावना रहेको बताएका छन्। एउटा टेलिभिजन अन्तरवार्ताका क्रममा

सन्तोष देवकोटा । भारतका प्रभावशाली दुई युवा नेता कन्हैया कुमार तथा जिग्नेश मेवाणीले मंगलबार राजनीतिको आगामी यात्राका लागि भारतीय कांग्रेस

प्रकाश तिम्सिना/न्युज कारखाना, सुनसरी । नेपाली कांग्रेसको १४औँ महाधिवेशनमा प्रदेश १ का दुई उपमहानगरपालिकाको नगर अधिवेशनमा पार्टी सभापति शेरबहादुर देउवा

काठमाण्डौ । दुई दिनभित्रै मन्त्रिपरिषद्लाई पूर्णता दिन सत्तारुढ गठबन्धन सहमत भएका छन् । आइतबार प्रधानमन्त्री निवासमा बसेको बैठकमा मन्त्रिपरिषद् विस्तार