Lifestyle Portal
  •   ११ आश्विन २०७९, मंगलवार

‘अटिजम’पीडित यी किशोर जो तीन महिनादेखि जेलमा छन्

१० आश्विन २०७८, आईतवार २२:५७

एजेन्सी, नोम पेन । राजनीतिक दलका नेताबिरुद्ध गालीग्लौज गरेको अभियोगमा कम्बोडियामा एक किशोरलाई कैद गरिएको छ । सत्तारुढ पार्टीका नेताबिरुद्ध टेलिग्राममा विवादास्पद बिचार पोस्ट गर्ने काक सोभान चायलाई सरकारले कैद गरेको हो ।

उनी जुनमा पक्राउ परेका थिए । त्यसपछि अहिलेसम्म उनले परिवार देख्न पाएका छैनन् । सरकारले उनीमाथि लगाएको मुद्दाका कारण परिवार चिन्तित छ । विश्व मानवअधिकार संगठनले समेत चायलाई तत्काल रिहा गर्न तथा उनको मानवअधिकार सुनिश्चितता गर्न कम्बोडियाली सरकारसँग अपिल गरेको छ ।

१६ वर्षीय किशोर सोभानको जीवन सहज छैन् । अटिजमबाट पीडित उनी एक दुई शब्द भन्दा बोल्न सक्दैनन् । बोल्न नसके पनि राजनीतिमा उनको रूची छ ।

उनका बाबु काक कोमफेर अहिले जेलमा छन् । उनी कम्बोडिया नेसनल रेस्क्यु पार्टी (सीएनआरपी) का वरिष्ठ नेता हुन । सीएनआरपीलाई प्रतिबन्ध लगाएपछि उनी पक्राउ परेका थिए ।

सरकारले सीएनआरपीलाई प्रतिबन्ध लगाएको छ । प्रतिबन्धअगाडि उनले सीएनआरपीको कार्यक्रममा छोरालाई पनि लैजान्थे ।

सोभानको घरका कोठा सीएनआरपीको झन्डा, पार्टी नेता र खमेर वंशका शासकको तस्बिरले सजाइएको छ ।

तर, अहिले कारागारभित्र रहेको उनको वेडरूम कैदीको भिडले भरिएको छ । उनले तीन महिनादेखि आफ्ना बाबुआमा भेट्न पाएका छैनन् ।

उनले पोस्ट गरेको सामाग्रीबारे केही खुलाइएको छैन् । तर, आफ्ना बाबुलाई सत्तारुढ दलका केही नेताले देशद्रोही भनेपछि उनी क्रुद्ध बनेको काककी आमा बताउँछिन् ।

विवादास्पद सामाग्री पोस्ट गरेपछि हतियार बोकेका २० जना प्रहरीले उनको घर घेराउ गरेका थिए । ६ जना प्रहरी घरभित्र पसेर सोभानलाई हथकडी लगाइ कारभित्र राखेर लगेका थिए । नेताबिरुद्ध गालीग्लौज र उत्तेजक अभिव्यक्ति दिएको अभियोगमा उनलाई कैद गरिएको छ ।

प्रतिक्रिया दिनुहोस !
सम्बन्धित खबरहरु

भारत–नेपाल सचिवस्तरीय संयुक्त जलस्रोत समितिको नवौँ बैठक भारत सरकार जलशक्ति मन्त्रालय अन्तर्गतको जलस्रोत, नदी विकास एवं गंगा संरक्षण विभागका सचिव

नेपालका लागि भारतीय राजदूत नवीन श्रीवास्तव र नेपाल सरकारका माननीय गृहमन्त्री बालकृष्ण खाणले आज काभ्रेपलाञ्चोकमा राष्ट्रिय प्रहरी प्रशिक्षण प्रतिष्ठानको निर्माणका

यदि तपाई नेपाल र विश्वभरका ताजा समाचार, ब्रेकिङ समाचार, अपडेटहरूसँग जुटिरहन चाहनुहुन्छ भने, ‘नेपाली पात्रो’मा समाचारको नयाँ सुविधा सहितको Android

बकिङ्गम दरबारले एउटा विज्ञप्ति जारी गर्दै भनेको छ, “आज अपरान्ह बाल्मोरलमा महारानीको शान्तिपूर्ण निधन भएको छ । राजा र क्वीन