ईरानी महिला फुटबल खेलाडीको वास्तविक लैंगीक पहिचानमाथी प्रश्न उठ्यो, जोर्डनले गर्यो ‘लिङ प्रमाणीकरण’को मांग
२ मंसिर २०७८, बिहीबार २१:२५
जोर्डन (Jordan)ले ईरानको राष्ट्रीय महिला फुटबल (Iran women football) टोलीमाथी महिलाको भेषमा पुरुष खेलाडी राखेर खेलाएको आरोप लगाएको छ । जोर्डनले लगाएको आरोप अनुसार उक्त खेलाडीले गोलकीपरको भूमिका निर्वाह गरेका थिए ।
Iranian women’s football team won against its Jordan opponent and reached the final of the Asian Cup qualifiers. Iranian goalkeeper, Ms. Zohreh khodaei, really shined in this game.🌸🏵️🙏🙏🙏🙏💖❤️#Iran pic.twitter.com/Bf9xcbn8Gm
— 🇮🇷Mahdi12m313 (@mahdi12m313) November 17, 2021
यस सम्बन्धमा जोर्डन फुटबल एसोसिएशनका अध्यक्ष प्रिन्स अली बिन अल हुसैनले ईरानको महिला फुटबल टोलीमा संलग्न सम्भावित पुरुष खिलाडीको ‘लिंग प्रमाणीकरण’को मांग गरेका हुन् । आफ्नो ट्वीटर ह्याण्डल @AliBinAlHussein बाट ट्वीट गर्दै उनले लेखेका छन्, “अघिल्लो ट्वीटहरूसँग सम्बन्धित त छैन तर यदि सत्य हो भने यो धेरै गम्भीर मुद्दा । कृपया जाग” भन्दै AFC को आधिकारीक ट्वीटर ह्याण्डल @theafcdotcom लाई मेन्सन गरेका छन् ।
‘डेलीमेल’मा सार्वजनिक रिपोर्ट अनुसार, ईरानी महिला फुटबल टोलीका गोलरक्षक जोहरेह कौडेईले गत २५ सेप्टेम्बरमा जोर्डन बिरुद्ध सम्पन्न फुटबल प्रतिस्पर्धामा दुई पेनाल्टी बचाइएका थिए । उक्त खेलमा ईरानले जोर्डनलाई ४-२ गोल अन्तरले हराउँदै एशिया कपको लागि छनौट भएको थियो । उनै गोलरक्षक कौडेईको लैंगीक पहिचानमाथी प्रश्न उठेको हो ।
जोर्डन फुटबल एशोसिएसनले ‘द एशियन फुटबल कन्फिडरेशन – AFC’ लाई पत्राचार गर्दै उक्त खेलमा सहभागी गोलरक्षक जोहरेह कौडेईको ‘लिङ प्रमाणीकरण’का लागि अनुरोध गरेको छ । “स्वास्थ्य क्षेत्रका स्वतन्त्र र निष्पक्ष विज्ञ सहितको टोली समेटेर अनुसन्धान गरियोस” पत्रमा लेखिएको छ ।
पत्रको वास्तविक प्रति
