चितुवाको छाला सहित ४ जना पक्राउ
४ मंसिर २०७८, शनिबार २२:०२
सुर्खेत । बराहताल गाउँपालिका-५ बड्डिचौरस्थित प्रेम होटलको ३ नम्बर कोठाबाट ३ थान चितुवाको छाला सहित अछाम पंचदेवल नगरपालिका-८ बस्ने ३५ वर्षीय कमल शाही समेत ४ जनालाई शनिबार दिउँसो प्रहरीले पक्राउ गरेको छ ।
बिशेष सूचनाको आधारमा कर्णाली प्रदेश प्रहरी कार्यालय सुर्खेत ब्यूरो, जिल्ला प्रहरी कार्यालय सुर्खेत र प्रहरी चौकी बड्डिचौर सुर्खेतबाट खटिएको प्रहरीले उनीहरुलाई उक्त छाला सहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
