काठमाण्डौ । सरकारले यही माघ १५ गतेदेखि २० गतेसम्म विद्यालय खोल्ने भएको छ । शिक्षा, विज्ञान तथा प्रविधि मन्त्रालयले देशभरका विद्यालयहरु ६ दिनका लागि खोल्न लगाई त्यस अवधीमा सबै विद्यार्थीलाई खोप लगाउन पहल गरेको हो ।

ओमीक्रोनको नयाँ भेरिएन्टका कारण कोरोना संक्रमितको संख्या बढ्दै गएपछि सरकारले माघ १५ गतेसम्मका लागि विद्यालय बन्द गर्ने निर्णय गरेको थियो ।

मन्त्रालयका प्रवक्ता दीपक शर्माले एक विज्ञप्ति जारी गर्दै स्थानीय तह र स्वास्थ्य चौकीसँग समन्वय गरी देशभरीका विद्यालयहरूले विद्यार्थीलाई खोप लगाउनुपर्ने उल्लेख गर्नुभएको छ ।