Lifestyle Portal
  •   ४ जेष्ठ २०७९, बुधबार

काठमाण्डौका मेयरलाई स्थानीय युवाको प्रश्न, ‘सार्वजनिक शौचालय खोई?’

१२ माघ २०७८, बुधबार २१:५६

देशको सङ्घीय राजधानी क्षेत्र रहेको काठमाण्डौ महानगरपालिका भित्र सार्वजनिक शौचालयको व्यवस्था नरहेको बहस भइरहेका बेला यस सम्बन्धी महानगरपालिकासँग यथार्थ सूचना मागिएको छ। काठमाडौँ, ०६ बौद्ध बस्ने वैकल्पिक युवा सङ्गठनका नेता समेत रहेका अभियन्ता सौरभ न्यौपानेले काठमाण्डौ शौचालयसँग सम्बन्धित विभिन्न सूचना माग गरेका हुन्।

हाल काठमाण्डौ महानगरपालिका भित्र रहेका सार्वजनिक शौचालयको सङ्ख्या, शौचालय सञ्चालनको व्यवस्था र शौचालय सञ्चालनबाट उठेको राजश्व रकमबारे सूचना माग गरिएको हो। सार्वजनिक शौचालयहरूको सञ्चालनबाट महानगरले प्राप्त गर्ने राजश्व कहाँ खर्च हुन्छ भनेर पनि निवेदनमा सोधिएको छ।

यस्तै, निवेदनमा पछिल्लो स्थानीय निर्वाचनपछि शौचालय निर्माण र व्यवस्थापनमा महानगरले के कति खर्च गर्‍यो र के कस्ता संस्थाहरूबाट कस्तो सहयोग लियो भन्ने पनि तथ्याङ्क माग गरिएको छ।

‘बाहिरबाट या विदेशबाट आएर काठमाण्डौ झर्ने नागरिकले कतै नजिकै शौचालय भेटाउँदैन। अहोरात्र सडकमा सेवा गर्ने ट्राफिक प्रहरीहरू शौच गर्न कसैको घर-घर धाउनुपर्छ। सञ्चालनमा रहेका केही शौचालय अत्यन्त अव्यवस्थित र फोहर छन्। खुला दिशा-पिसाब मुक्त मुलुकको राजधानी भनेर कसरी पत्याउनु?’- निवेदक न्यौपाने भन्छन्, ‘हामीलाई काठमाण्डौ रेल ल्याउने सपना देखाएर पिसाब फेर्ने ठाउँ सम्म उपलब्ध गराउन नसक्ने नेतृत्व चाहिँदैन।’

महानगरपालिकाले यथार्थ सूचना दिएपछि त्यसको मूल्याङ्कन गरेर थप दबाबका कार्यक्रम गर्ने न्यौपानेको तैयारी छ। ‘हाम्रो त कुरा मात्रै ठुलो भो। यत्रो शहरमा सडक छेउ शौचालय त छैन। न त शौचालय चाहिन्छ भनेर यहाँ राजनीतिज्ञ बोल्छन्, न त जनता नै मुख खोल्छन् !’- न्यौपाने भने। अबको राजनीतिले सफा र सहज शौचालयको विषय बोक्नुपर्ने उनी बताउँछन्।

सहजै सूचनाको हकको निवेदन तयार गर्न http://rti.bibeksheel.org/ मा जान सकिन्छ।

जारी प्रेस रिलिजको वास्तविक प्रति हेर्नुहोस्ः

प्रतिक्रिया दिनुहोस !
सम्बन्धित खबरहरु

मैले २०४७ सालपछि भोट नै हालेकी छैन । किनभने हाम्रो नेपालमा बहुदल भित्रिएपछि मुलुकमा थप व्यक्तिवाद मात्रै मौलाएको देखेपछि मलाई

काठमाण्डौ (मंगलबार ११ः२० बजे) । देशको राजधानी काठमाण्डौ महानगरपालिकाको मेयर पदका लागि स्वतन्त्रतर्फबाट उम्मेदवारी दिएका बालेन शाहले जारी मतगणनाको ताजा

काठमाडौं: भारतीय प्रधानमन्त्री नरेंद्र मोदी (Indian PM Modi) बैशाख पुर्णिमाका दिन भगवान गौतम बुद्धको जन्मभूमी लुम्बिनीको संक्षिप्त यात्राका लागि नेपाल

A day before visit to Lumbini (the birth place of gautam buddha), Indin Prime Minister Narendra Modi on Sunday said